Madhya Pradesh | భోపాల్: మధ్యప్రదేశ్లోని పన్నా జిల్లాలో రాజు గౌడ్ అనే కూలీకి అదృష్టం వరించింది. జీవనోపాధి కోసం గనులను కౌలుకు తీసుకునే రాజు ప్రతి రోజూ మాదిరిగానే బుధవారం కూడా మట్టిని తవ్వుతున్నారు. ఆ సమయంలో ఆయనకు 19.22 క్యారట్ల వజ్రం కనిపించింది. వెంటనే దానిని ప్రభుత్వ అధికారులకు అప్పగించారు. పన్నా డైమండ్ కార్యాలయం అధికారి అనుపమ్ సింగ్ మాట్లాడుతూ, ఈ వజ్రాన్ని త్వరలో జరిగే వేలంలో పెడతామన్నారు.
జిల్లా కలెక్టర్ సురేశ్ కుమార్ మాట్లాడుతూ, రాజుకు 19.22 క్యారట్ల వజ్రం దొరికిందన్నారు. వేలంలో దీనికి రూ.80 లక్షలకుపైగా పలికే అవకాశం ఉందని చెప్పారు. ఈ వజ్రాన్ని అమ్మగా వచ్చే సొమ్ముతో తన పిల్లలను చదివిస్తానని రాజు చెప్పారు.