న్యూఢిల్లీ, జూన్ 5: హోరాహోరీగా సాగిన సార్వత్రిక ఎన్నికల్లో వివిధ పార్టీలకు చెందిన మహిళా అభ్యర్థులు 73 మంది గెలుపొందారు. ఈసీ గణాంకాల ప్రకారం, 2019లో 78 మంది మహిళా అభ్యర్థులు ఎన్నికయ్యారు. లోక్సభలో వారి ప్రాతినిధ్యం 14 శాతంగా ఉన్నది. తాజా ఎన్నికల్లో 73 మంది గెలుపొందగా, వారి ప్రాతినిధ్యం 13.44 శాతంగా ఉండబోతున్నది.
బెంగాల్ నుంచి అత్యధికంగా 11 మంది మహిళా అభ్యర్థులు గెలుపొందారు. బీజేపీ నుంచి 30 మంది, కాంగ్రెస్-14, టీఎంసీ-11, ఎస్పీ-4, డీఎంకే-3, జేడీయూ, ఎల్జేపీ(ఆర్) నుంచి ఇద్దరు చొప్పున మహిళలు గెలుపొందారు. ఈ ఎన్నికల్లో మొత్తం 797 మంది మహిళా అభ్యర్థులు బరిలో నిలిచారు.