Indian Students | విదేశాల్లో (Abroad) ఉన్నత చదువుల కోసం అని వెళ్లిన భారతీయ విద్యార్థులు (Indian Students ) ఇటీవలే పలు కారణాల వల్ల ప్రాణాలు కోల్పోతున్న ఘటనలు అనేకం చోటు చేసుకుంటున్నాయి. హత్యలు, ఆత్మహత్యలు, ప్రమాదాలు, అనారోగ్యం, మానసిక ఒత్తిడి ఇలా పలు కారణాలతో విద్యార్థులు మరణిస్తున్నారు. అలా 2018 నుంచి ఇప్పటి వరకూ 400 మందికి పైగా భారతీయ విద్యార్థులు విదేశాల్లో మృత్యువాత పడినట్లు కేంద్ర ప్రభుత్వం (Centre) తాజాగా వెల్లడించింది. ఇందులో అత్యధిక మరణాలు కెనడా (Canada)లోనే చోటుచేసుకున్నట్లు తెలిపింది.
ఈ మేరకు కేంద్ర విదేశాంగ శాఖ సహాయ మంత్రి వి మురళీధరన్ ( V Muraleedharan) రాజ్యసభ (Rajya Sabha)లో ఓ ప్రశ్నకు ఇచ్చిన లిఖితపూర్వక సమాధానంలో ఈ విషయాన్ని తెలిపారు. 2018 నుంచి ఇప్పటి వరకూ మొత్తంగా 34 దేశాల్లో 403 మంది భారతీయులు వివిధ కారణాలతో మరణించినట్లు చెప్పారు. మంత్రిత్వ శాఖ సమర్పించిన డేటా ప్రకారం.. అత్యధికంగా కెనడాలోనే 91 మంది మృతి చెందారు. ఆ తర్వాత యూకేలో 48, రష్యాలో 40, అమెరికాలో 36, ఆస్ట్రేలియాలో 35, ఉక్రెయిన్లో 21, జర్మనీలో 20, సైప్రస్లో 14, ఇటలీ, ఫిలిప్పీన్స్లో 10 మంది చొప్పున విద్యార్థులు ప్రాణాలు కోల్పోయారు.
Also Read..
PM Modi | కేసీఆర్ త్వరగా కోలుకోవాలి : ప్రధాని మోదీ ట్వీట్
Earthquake | నాలుగు రాష్ట్రాల్లో స్వల్పంగా కంపించిన భూమి..
Praja Darbar | సీఎం క్యాంప్ ఆఫీస్లో ప్రజాదర్బార్.. భారీగా తరలి వచ్చిన ప్రజలు