Gold Smuggling | ముంబై అంతర్జాతీయ విమానాశ్రయంలో ఇద్దరు మహిళా ప్రయాణికుల నుంచి రూ.19.15 కోట్ల విలువైన స్మగుల్డ్ బంగారాన్ని కస్టమ్స్ అధికారులు స్వాధీనం చేసుకున్నారు. రెండు వేర్వేరు ఘటనల్లో ఇద్దరు మహిళా ప్రయాణికులు తమ లోదుస్తులు, లగేజీ బ్యాగుల్లో 32.79 కిలోల బంగారాన్ని అక్రమంగా తరలిస్తున్నారు. ఇద్దరు విదేశీ మహిళా ప్రయాణికులు ఆఫ్రికా దేశాలకు చెందిన వారు. సోమవారం ఛత్రపతి అంతర్జాతీయ విమానాశ్రయంలో విమానాలు ల్యాండయిన తర్వాత అనుమానాస్పదంగా వ్యవహరిస్తున్న ఇద్దరు మహిళలను తనిఖీ చేయగా స్మగుల్డ్ బంగారం బయట పడింది. దీంతో సదరు ఇద్దరు మహిళా ప్రయాణికులను అరెస్ట్ చేసి, కేసు దర్యాప్తునకు పోలీసులకు అప్పగించారు.