Bihar | పాట్నా, జూన్ 21: బీహార్లో దారుణ ఉదంతం వెలుగుచూసింది. ఉద్యోగాలిస్తామని ఆశచూపి 150 మంది మహిళలను రప్పించి వారిని బంధించి కొన్ని నెలలుగా లైంగిక దాడి చేస్తున్న కంపెనీ నిర్వాహకుల దారుణం బయటపడింది. డీబీఆర్ నెట్వర్క్ పేరుతో వీరు సామాజిక మాధ్యమాల్లో ప్రకటనలు ఇచ్చేవారు.
కాల్సెంటర్కు మహిళా ఏజెంట్లు కావాలని ప్రకటించే వారు. అది నమ్మి ఇళ్ల నుంచి ఉద్యోగాల కోసం వచ్చిన మహిళలను ఒక రూములో బంధించి వారిపై నెలల తరబడి లైంగిక దాడి చేసేవారు. ఎవరికైనా చెబితే అంతుచూస్తామని బెదిరించే వారు. ఇలా 150 మంది మహిళలను వీరు బందీలుగా చేసి అకృత్యాలకు పాల్పడినట్టు పోలీసులు తెలిపారు.