భోపాల్: మధ్యప్రదేశ్లోని సాత్నా జిల్లాలో ఉన్న ఓ రెసిడెన్షియల్ పాఠశాలలో (Residential School) దారుణం చోటుచేసుకున్నది. పాఠశాలలో 13 ఏండ్లలో బాలుడిపై ప్యూన్ లైంగికదాడికి (Sexually assaulted) పాల్పడ్డాడు. రేవా జిల్లాకు చెందిన 13 ఏండ్ల బాలుడు సాత్నాలోని సరస్వతి విద్యాపీఠ్ (Saraswati Vidyapeeth) హయ్యర్ సెకండరీ రెసిడెన్షియల్ స్కూల్లో 7వ తరగతి చదువుతున్నాడు. ఈ క్రమంలో ఆరోగ్యం బాగాలేకపోవడంతో బాధితులు క్లాస్లకు వెళ్లకుండా తన హాస్టల్ గదిలోనే ఉన్నాడు. అదే హాస్టల్లో ప్యూన్గా (Peon) పనిచేస్తున్న రవీంద్ర సేన్ (Raveendra Sen).. దీనిని అదనుగా భావించి బాలుడిపై లైంగిక దాడికి (Sexually assaulted) పాల్పడ్డాడు. అనంతరం దీనిగురించి ఎవరికీ చెప్పొద్దని బెదిరించాడు.
అయితే జరిగిన సంఘటన గురించి ఆ విద్యార్థి తన తల్లిదండ్రులకు చెప్పాడు. దీంతో స్కూల్కు వెళ్లిన వారు.. విషయం గురించి ప్రిన్సిపాల్కు చెప్పాలనుకున్నప్పటికీ అతడు వారిని కలవడానికి తిరస్కరించాడు. ఈ నేపథ్యంలో బాధితునితో సహా పోలీస్ స్టేషన్లో ఫిర్యాదు చేశారు. కేసు నమోదుచేసిన పోలీసులు.. వెంటనే రంగంలోకి దిగారు. నిందితుడిన అదుపులోకి తీసుకున్నారు. అతనిపై ఐపీసీ 377 సెక్షన్తోపాటు, పోక్సో చట్టం (POCSO act) కింద కేసు నమోదుచేదేశారు.