న్యూఢిల్లీ: కేంద్ర బడ్జెట్లో వివిధ టెలికం ప్రాజెక్టులు, ప్రభుత్వ రంగ సంస్థలకు రూ.1.28 లక్షల కోట్లు కేటాయించగా, అందులో బీఎస్ఎన్ఎల్, ఎంటీఎన్ఎల్కే లక్ష కోట్లకుపైగా ఇవ్వనున్నారు. అందులో బీఎస్ఎన్ఎల్ ఆధునీకరణ, పునర్నిర్మాణానికి 82,916 కోట్లు వెచ్చిస్తారు. అలాగే టెలికం గేర్ తయారీ రంగానికి ప్రోత్సాహాన్ని అందించేందుకు మదర్ బోర్డులు (ప్రింటెడ్ సర్క్యూట్ బోర్డులు) దిగుమతుల సుంకాన్ని ఐదు శాతం పెంచాలని నిర్ణయించింది. దేశవాళీగా టెలికం పరికరాల తయారీని ప్రోత్సహించేందుకు ప్రింటెడ్ సర్క్యూట్ బోర్డు అసెంబ్లీపై బేసిక్ కస్టమ్స్ డ్యూటీని 10 నుంచి 15 శాతానికి పెంచింది. న్యూక్లియర్ ఎనర్జీ, రక్ష ణ, అంతరిక్ష, టెలికం, ఎలక్ట్రానిక్స్ రంగాలలో వినియోగిం చే లిథియం, కాపర్, కోబాల్ట్, 25 రకాల ఖనిజాలపై కస్టమ్స్ సుంకం నుంచి పూర్తి మినహాయింపు ప్రకటించింది.