యాదాద్రి, భువనగిరి : వేసవి సెలవుల కారణంగా లక్ష్మీనరసింహ స్వామి (Lakshminarasimha swamy ) ని దర్శించుకునేందుకు భక్తులు యాదాద్రి (Yadadri ) ఆలయానికి తరలివస్తున్నారు. గత 35 రోజులుగా వచ్చిన భక్తులు స్వామివారికి మొక్కుల ద్వారా సమర్పించుకున్న కానుకల ద్వారా హుండీ ఆదాయం రూ. 3. 93 కోట్ల ఆదాయం వచ్చిందని ఆలయ కార్యనిర్వహణాధికారి( Executive Officer) తెలిపారు.
నూట డెబ్బై గ్రాముల మిశ్రమ బంగారం , ఏడు కిలోల మిశ్రమవెండిని స్వామివారికి సమర్పించుకున్నారని వివరించారు. అమెరికా డాలర్లు(America Dollars) 1,359 , ఆస్ట్రేలియా డాలర్లు 25 , ఇంగ్లాండ్ పౌండ్స్ – 55, యూఏఈ దిరమ్స్ – 65 , మలేసియా రింగిట్స్- 1, యూరోప్ యూరో -20, నేపాల్ రుపిస్- 10 వచ్చాయని వెల్లడించారు.
కెనడా డాలర్స్ – 30 , సౌదీ అరేబియన్ రియల్ -66 , సింగపూర్ డాలర్స్ -50 , స్కాట్లాండ్ పౌండ్ 5 , మాల్దీవ్స్ రుఫీయ -10 , మాళవి క్వచ – 2000 , మయన్మార్ క్యాట్ -100 , కువైట్ దినర్ 2 , ఖతర్ రియల్ -1, థాయ్ భాట్ -20 , మలేసియా రైంగిట్- 1 , నేపాల్ రూపి -10 , బంగ్లాదేశ్ టాకా -10 వచ్చినట్లు ఆలయ ఈవో వివరించారు.