సూర్యాపేట టౌన్, జూలై 15 : నిషేధిత గుట్కా విక్రయిస్తే కఠిన చర్యలు తప్పవని సూర్యాపేట ఎస్పీ సన్ ప్రీత్ సింగ్ హెచ్చరించారు. సూర్యాపేట పట్టణంలో పోలీసుల తనిఖీల్లో ఆదివారం పట్టుబడిన సుమారు రూ.11 లక్షల విలువైన గుట్కా సీజ్ చేసిన ఘటనలో ఇద్దరిపై కేసు నమోదు చేసి సోమవారం స్థానిక ఎస్పీ కార్యాలయంలో విలేకరుల సమావేశం నిర్వహించారు. ఈ ఘటనకు సంబంధించి ఎస్పీ తెలిపిన వివరాలు.. స్థానిక రాజీవ్నగర్కు చెందిన మాయదేవర శివసత్తి,
పెన్పహాడ్ మండలం భక్తళాపురం గ్రామానికి చెందిన ఎర్రంశెట్టి నవీన్ ఇతర రాష్ర్టాల నుంచి నిషేధిత గుట్కాను తీసుకొచ్చి రెండు ఆటల్లో తరలిస్తుండగా శంకర్ విలాస్ సెంటర్లో ఆదివారం పోలీసులు పట్టుకున్నారు. ఇరువురిని అదుపులోకి తీసుకొని విచారించగా వారికి సంబంధించిన కూరగాయ మార్కెట్లోని మంజూ బేకరీ అండ్ కిరాణ దుకాణంలో గుట్కా నిల్వ ఉంచి అక్కడి నుంచి విక్రయాలు జరుపుతామని ఒప్పుకున్నారు. దీంతో పోలీసులు దాడులు జరిపి గుట్కాను సీజ్ చేసి ఇరువురు రిమాండ్కు తరలించారు.
చాకచక్యంగా కేసును గుట్కా కేసును చేధించిన పట్టణ సీఐ జి. రాజశేఖర్, ఎస్ఐ మహేంద్రనాథ్, సిబ్బందిని ఎస్పీ ప్రత్యేకంగా అభినందించారు. సమావేశంలో ఏఎస్పీ నాగేశ్వర్రావు, డీఎస్పీ రవి ఉన్నారు.