సూర్యాపేట టౌన్, మే 13 : అసెంబ్లీ ఎన్నికల్లో ప్రజలు ఇచ్చిన తీర్పు ఇప్పుడు మారనుందని, ఐదు నెలల్లో జనం ఆలోచనల్లో పెనుమార్పులు వచ్చాయని మాజీ మంత్రి, సూర్యాపేట ఎమ్మెల్యే గుంటకండ్ల జగదీశ్రెడ్డి అన్నారు. పార్లమెంట్ ఎన్నికల సందర్భంగా సూర్యాపేటలోని శ్రీ చైతన్య స్కూల్ పోలింగ్ బూత్లో ఆయన ఓటు హక్కును వినియోగించుకున్నారు.
ఈ సందర్భంగా జగదీశ్రెడ్డి మాట్లాడుతూ కేసీఆర్ పాలన లేని లోటు స్పష్టంగా కనబడుతున్నదని ప్రజలే చెబుతున్నారని అన్నారు. ఎన్నికల సందర్భంగా ప్రజా స్పందన చూస్తుంటే మెజారిటీ సీట్లు తమవే అనే నమ్మకం కలుగుతుందని తెలిపారు. కేసీఆరే తెలంగాణకు శ్రీరామరక్ష అని ప్రజలు భావిస్తున్నారని చెప్పారు. లోక్ సభ ఎన్నికలతో ఊహిస్తున్న మార్పు వస్తుందని ఆశిస్తున్నామన్నారు.