రామగిరి, జూలై 22 : మహాత్మాగాంధీ యూనివర్సిటీ పీహెచ్డీ ఎంట్రెన్స్తోపాటు డిగ్రీ రెగ్యులర్, బ్యాక్లాగ్ సెమిస్టర్ ఫలితాలను సోమవారం హైదరాబాద్లో వర్సిటీ ఇన్చార్జి వీసీ నవీన్మిట్టల్ విడుదల చేశారు. ఆయనతోపాటు ఎంజీయూ ఇన్చార్జి రిజిస్ట్రార్, డైరెక్టర్ ఆఫ్ అడ్మిషన్స్ అల్వాల రవి, సీఓఈ జి.ఉపేందర్రెడ్డి ఇందులో పాల్గొన్నారు. ఫలితాలను www.mguniversity. ac.inలో అందుబాటులో ఉంచినట్లు వర్సిటీ పరీక్షల నియంత్రణాధికారి జి.ఉపేందర్రెడ్డి వెల్లడించారు. పీహెచ్డీ ప్రవేశాలకు అర్హత సాధించిన అభ్యర్థులకు ఇంటర్వ్యూకు సంబంధించిన షెడ్యూల్ను వారంలో రోజుల్లో విడుదల చేస్తామని డైరెక్టర్ ఆఫ్ అడ్మిషన్స్ ఆకుల రవి వెల్లడించారు.
పీహెచ్డీ ఎంట్రెన్స్ ఫలితాలు : ఎంజీయూలో ఏడు కోర్సుల్లో ఖాళీగా ఉన్న పీహెచ్డీ ప్రవేశాలకు నిర్వహించిన ఎంట్రెన్స్లో 363 అభ్యర్థులు హాజరు కాగా 171మంది ఉత్తీర్ణత సాధించారు. అర్హత సాధించిన వారిలో బయోకెమిస్ట్రీలో ముగ్గురు, బయోటెక్నాలజీలో ఆరుగురు, కంప్యూటర్ సైన్స్లో ముగ్గురు, బిజినెస్ మేనేజ్మెంట్లో 93, కెమిస్ట్రీలో 8, కామర్స్లో 49, గణితంలో 9 మంది ఉన్నారు.
డిగ్రీ ఫలితాలు : ఉమ్మడి జిల్లా వ్యాప్తంగా డిగ్రీ పరీక్షలకు 8,113 మంది విద్యార్థులు హాజరు కాగా 3,493మంది అన్ని సెమిస్టర్లలో ఉత్తీర్ణత సాధించారు. 43శాతం ఫలితాలు వచ్చాయి.
సెమిస్టర్ -1 రెగ్యులర్, బ్యాక్లాగ్లో 6,942 మంది హాజరుకాగా 2,601మంది (37.47శాతం) ఉత్తీర్ణత సాధించారు.
సెమిస్టర్ -2లో 12,545 మంది హాజరుకాగా 4,472 మంది (35.65 శాతం) ఉత్తీర్ణత సాధించారు.
సెమిస్టర్ -3లో 6,070 మంది హాజరుకాగా 2,470 మంది (40.60శాతం) ఉత్తీర్ణత సాధించారు.
సెమిస్టర్ -4లో 12,330 మంది హాజరు కాగా 5,131 (41.61 శాతం) ఉత్తీర్ణత సాధించారు.
సెమిస్టర్ -5లో 5,100 హాజరు కాగా 2,289 మంది (44.88శాతం) ఉత్తీర్ణత సాధించారు.
సెమిస్టర్ -6లో 1,1573 మంది హాజరుకాగా 5,286 మంది (45.68శాతం) ఉత్తీర్ణత సాధించారు.