సూర్యాపేట టౌన్, జూన్ 10 : పార్టీ కోసం కష్టపడి పని చేసే ప్రతి కార్యకర్తకు బీఆర్ఎస్ ఎప్పుడూ అండగా ఉంటుందని మాజీ మంత్రి, సూర్యాపేట శాసనసభ్యుడు గుంటకండ్ల జగదీశ్రెడ్డి అన్నారు. ఇటీవల వేర్వేరు రోడ్డు ప్రమాదాల్లో మరణించిన బీఆర్ఎస్ కార్యకర్తలకు పార్టీ సభ్యత్వ ఇన్సూరెన్స్ చెక్కులను అందజేశారు. ఈ సందర్భంగా ఆయన మాట్లాడుతూ గులాబీ జెండా గుండెకు హత్తుకొని నిత్యం ప్రజలతో మమేకమై వారి కష్ట సుఖాల్లో భాగస్వాములయ్యే కార్యకర్తలకు బీఆర్ఎస్ అండగా నిలుస్తుందన్నారు.
బీఆర్ఎస్ సైనికులకు రక్షణ కవచంలా బీమా ఉపయోగపడుతుందని తెలిపారు. నిత్యం ప్రజల్లో ఉంటూ పార్టీ కోసం, ప్రజల కోస పని చేసే కార్యకర్తలకు ఏదైనా అనుకోని ప్రమాదం జరిగితే ఆ కుటుంబం రోడ్డున పడకుండా కేసీఆర్ రూ.2లక్షల ప్రమాద బీమా సౌకర్యం కల్పించారని చెప్పారు. గతంలో కొన్ని పార్టీలు తమ కార్యకర్తలకు బీమా కల్పించినా, ఇంత క్రమశిక్షణతో కొనసాగిస్తున్న పార్టీ మాత్రం బీఆర్ఎస్ అని తెలిపారు. తమకు బీమా పరిహారం అందించిన బీఆర్ఎస్ పార్టీకి, అందేలా కృషి చేసిన మాజీ మంత్రి జగదీశ్రెడ్డికి బాధిత కుటుంబ సభ్యులు కృతజ్ఞతలు తెలిపారు.
జిల్లా కేంద్రంలోని 43వ వార్డుకు చెందిన కాసాని జానమ్మ, కాసాని చంద్రయ్య, పెన్పహాడ్ మండలం ధర్మాపురం గ్రామానికి చెందిన మొండికత్తి భాగ్యమ్మ కుటుంబాలు ఇన్సూరెన్స్ చెక్కులు అందుకున్నారు. ఈ కార్యక్రమంలో మున్సిపల్ చైర్పర్సన్ పెరుమాళ్ల అన్నపూర్ణ, వైస్ చైర్మన్ పుట్ట కిశోర్, కౌన్సిలర్ తాహేర్పాషా, ఆకుల లవకుశ, మాజీ సర్పంచ్ నెమ్మాది నగేశ్, రఫీ, కరుణ, మహేశ్వరి పాల్గొన్నారు.