నీలగిరి, జూలై 24 : నల్లగొండ పట్టణంలోని పలు దుకాణాల్లో బుధవారం కాపీ రైట్స్ అధికారులు తనిఖీలు నిర్వహించారు. ప్రజలకు బ్రాండెడ్ పేరుతో నాణ్యతా లేని విద్యుత్ వైర్లు అమ్ముతున్న నిర్వాహకులపై కాపీరైట్స్ ముంబై అధికారులు, వన్టౌన్ సీఐ ఏమిరెడ్డి రాజశేఖర్రెడ్డి ఆధ్వర్యంలో పోలీసులు తనిఖీలు చేశారు.
ప్రకాశం బజార్లోని హనుమాన్ ఎలక్ట్రికల్ దుకాణంలో నిర్వాహకులు గోల్డ్ మెడల్ కంపెనీ పేరు చెప్పి నాణ్యతాలేని కరెంటు వైర్లు అమ్ముతున్నట్లు అందిన సమాచారంతో సోదాలు చేసి దాదాపు రూ.22 లక్షల విలువైన 16 వైర్ల బ్యాగులను స్వాధీనం చేసుకున్నారు. అలాగే పట్టణంలోని షేర్బంగ్లాలో పద్మావతీ కిరాణం జనరల్ స్టోర్లో స్టీవ్వెల్ కంపెనీ పేరుతో నకిలీ అగర్బత్తులు దాదాపు 1.21 లక్షల విలువైన ఏడు బాక్స్లను స్వాధీనం చేసుకొని వన్టౌన్ పోలీస్ స్టేషన్కు తరలించి కేసు నమోదు చేశారు.
అనంతరం వన్టౌన్ సీఐ ఏమిరెడ్డి రాజశేఖర్రెడ్డి మాట్లాడుతూ నాణ్యత లేని వస్తువులను ప్రజలకు హానీ కలిగించే వస్తువులను అమ్ముతున్న మదన్, శ్రీనివాస్ను అదుపులోకి తీసుకుని దర్యాప్తు చేస్తున్నట్లు తెలిపారు. కార్యక్రమంలో ఐపీ ఇన్వెస్టిగేషన్ అధికారి ఇజ్రార్, ఎస్ఐలు సందీప్రెడ్డి, శంకర్, కాపీరైట్ అధికారులు ఇక్బాల్ ఖద్రి, దినేశ్ శెట్టి, సంతోష్, దీపక్ ఉన్నారు.