సూర్యాపేట, జూన్ 1 : ఈ నెల 4న జరిగే లోక్సభ ఎన్నికల కౌంటింగ్ కేంద్రాలను కలెక్టర్ ఎస్.వెంకట్రావ్ శనివారం పరిశీలించారు. నల్లగొండ జిల్లా కేంద్రంలోని అనిశెట్టి దుప్పలపల్లి గోదాంలోని నల్లగొండ లోక్సభ నియోజకవర్గ పరిధిలోని సూర్యాపేట, హుజూర్నగర్,
కోదాడ కౌంటింగ్ కేంద్రాలను ఆయన పరిశీలించి సిబ్బందికి పలు సూచనలు చేశారు. కౌంటింగ్ కేంద్రంలో విద్యుత్ సరఫరా, సీసీ కెమెరాల ఏర్పాటు, భద్రత వంటి అంశాలపై సంతృప్తి వ్యక్తం చేశారు. కలెక్టర్ వెంట హుజూర్నగర్ తాసీల్దార్ నాగార్జునరెడ్డి, కోదాడ తాసీల్దార్ సాయిగౌడ్, సూర్యాపేట తాసీల్దార్ శ్యామ్సుందర్రెడ్డి ఉన్నారు.