నల్లగొండ సిటీ, జూన్ 22 : ఉమ్మడి నల్లగొండ జిల్లా డీసీఎంఎస్ చైర్మన్గా బోళ్ల వెంకట్రెడ్డి ఏకగ్రీవంగా ఎన్నికయ్యారు. డీసీఎంఎస్లో కొంత కాలంగా చైర్మన్ లేకపోవడంతో వైస్ చైర్మన్గా ఉన్న దుర్గంపూడి నారాయణరెడ్డి ఇన్చార్జి చైర్మన్గా బాధ్యతలు నిర్వర్తించారు. డీసీఎంఎస్ డైరెక్టలందరూ ప్రస్తుతం కేతేపల్లి పీఏసీఎస్ చైర్మన్గా వ్యవహరిస్తున్న బోళ్ల వెంకట్రెడ్డిని చైర్మన్గా ఎన్నుకున్నారు. డీసీఎంఎస్ కార్యాలయంలో శనివారం ఆయన ప్రమాణ స్వీకారం చేసి బాధ్యతలు స్వీకరించారు.
ఈ కార్యక్రమానికి మంత్రి కోమటిరెడ్డి వెంకట్రెడ్డి హాజరయ్యారు. బోళ్ల వెంకట్రెడ్డిని శాలువాతో సత్కరించి ఎన్నిక పత్రం అందజేశారు. ఈ సందర్భంగా పలువురు డైరెక్టర్లు నూతన చైర్మన్కు పుష్ప గుచ్ఛాలు అందించి శుభాకాంక్షలు తెలిపారు. ప్రస్తుతం నల్లగొండ డీసీఎంఎస్ పాలక వర్గంలో చైర్మన్గా బోళ్ల వెంకట్రెడ్డి, వైస్ చైర్మన్గా దుర్గంపూడి నారాయణరెడ్డి, డైరెక్టర్లుగా గుడిపాటి సైదులు, ధనావత్ జయరాం, దొంగర వెంకటేశ్వర్లు, నెల్లూరు ఉషారాణి, ఎస్.అనూరాధ, కొండ సరిత, కర్నాటి లింగయ్య ఉన్నారు. ఈ కార్యక్రమంలో నల్లగొండ మున్సిపల్ చైర్మన్ బుర్రి శ్రీనివాసరెడ్డి, డీసీఓ కిరణ్కుమార్, ఎన్డీసీఎంఎస్ జిల్లా బిజినెస్ మేనేజర్ నాగిళ్ల మురళి పాల్గొన్నారు.