కొల్చారం, మే 23: వారం రోజుల్లో ధాన్యం కొనుగోళ్లు పూర్తిచేయాలని అధికారులకు మెదక్ జిల్లా కలెక్టర్ రాహుల్రాజ్ సూచించారు. గురువారం కొల్చారం మండలం వరిగుంతంలోని కొనుగోలు కేంద్రాన్ని ఆయన సందర్శించారు. కేంద్రంలోని వడ్లు తొందర గా కొనుగోలు చేసి రైతులకు ఇబ్బందులు లేకుండా చూడాలని ఆదేశించారు. ధాన్యం లారీలో లోడ్ చేసిన వెంటనే రైస్మిల్లులకు పంపించాలన్నారు. నిర్లక్ష్యాన్ని సహించమన్నారు. ట్యాబ్ ఎంట్రీ విషయంలో పొరపాట్లు జరగకుండా చూడాలన్నారు. లారీలు త్వరగా తెప్పించి ధ్యాన్యాన్ని పంపించేలా చర్యలు తీసుకోవాలన్నారు. కేంద్రం సిబ్బంది తూకా ల్లో మోసాలు జరగకుండా చూడాలన్నారు. కలెక్టర్ వెంట పౌర సరఫరాల శాఖ అధికారి బ్రహ్మారావు, తహసీల్దార్ గఫార్మియా, ఆర్ఐ ప్రభాకర్, జడ్పీటీసీ మేఘమాల సంతోష్కుమార్, సొసైటీ చైర్మన్ ప్రభాకర్, సీఈవో రాములు, గోవర్ధన్, రైతులు ఉన్నారు.
కొల్చారం,మే 23 : మండలంలోని పోతన్శెట్టిపల్లి చౌరస్తా, సంగాయిపేట గ్రామాల్లో కలెక్టర్ రాహుల్రాజ్ గురువారం పర్యటించారు. అమ్మ ఆదర్శ పాఠశాలల కింద చేపట్టిన పనులను పరిశీలించారు. పాఠశాలల భవనాలు, మరుగుదొడ్లు, విద్యుత్ పరికరాల మరమ్మతులు, తాగునీటి సరఫరా వంటి సదుపాయాలపై దృష్టి సారించాలన్నారు. ప్రణాళికాబద్ధంగా పనులు పూర్తయ్యేలా చూడాలన్నారు. కలెక్టర్ వెంట డీఈ వో రాధాకృష్ణ, ఎంఈవో నీలకంఠం, ఏఈ మహేశ్ ఉన్నారు.