మెదక్ అర్బన్, జూలై 10: మెదక్ ఎస్పీగా ఉదయ్కుమార్ రెడ్డి బదిలీపై రానున్నారు. ఆయన హైదరాబాద్ వెస్ట్ జోన్ డిప్యూటీ కమిషనర్గా విధులు నిర్వహిస్తున్నారు. మెదక్లో ఎస్పీగా విధులు నిర్వహిస్తున్న బాలస్వామి హైదరాబాద్ ఈస్ట్ జోన్ డిప్యూటీ కమిషనర్గా బదిలీపై వెళ్లనున్నారు. బాలస్వామి 6, జనవరి 2024న మెదక్ ఎస్పీగా బాధ్యతలు తీసుకున్నారు.
ఆయన బాధ్యతలు తీసుకున్న ఆరు నెలల్లో మెదక్ అసెంబ్లీ ఎన్నికలు, పార్లమెంట్ ఎన్నికలను ఎలాంటి అవాంఛనీయ సంఘటనలు జరుగకుండా విజయవంతంగా నిర్వహించారు. జూన్ లో మెదక్ పట్టణంలో ఇరువర్గాల మధ్య ఘర్షణలో భాగంగా మెదక్ పట్టణంతోపాటు జిల్లాలో శాంతిభద్రతలకు భంగం కలుగకుండా, ఎక్కడ అవాంఛనీయ ఘటనలు జరగకుండా పకడ్బందీ చర్యలు తీసుకున్నారు. మెదక్ జిల్లాలో శాంతిభద్రతల పరిరక్షణ కోసం ఆయన నిరంతరం శ్రమించారు. మెదక్ ఎస్పీగా ఉదయ్కుమార్ రెడ్డి త్వరలో బాధ్యతలు తీసుకోనున్నారు.
సంగారెడ్డి జిల్లాలో పని చేస్తున్న 24 మంది ఎస్సైలు బదిలీ అయ్యారు. ఎస్పీ రూపేశ్ 24 మం ది ఎస్ఐలకు స్థానచలనం కల్పిస్తూ బుధవారం ఉత్తర్వులు జారీ చేశారు. బదిలీ అయిన ఎస్ఐలు కొత్త స్థానాల్లో వెంటనే చేరాలని ఎస్పీ ఉత్తర్వుల్లో పేర్కొన్నారు. త్వరలో బాధ్యతలు స్వీకరించ నున్నారు.