హుస్నాబాద్, జూన్ 25 : హుస్నాబాద్లోని రైతు వేదికలో మంగళవారం జరిగిన సమావేశం లో వీడియోకాన్ఫరెన్స్ ద్వారా సీఎం రేవంత్రెడ్డి, వ్యవసాయ శాఖ మంత్రి తుమ్మల నాగేశ్వర్రావు రైతుల అభిప్రాయాలు సేకరించారు. రైతు భరోసా ఎలా ఉంటే బాగుంటుందో రైతులను అడిగి తెలుసుకున్నారు. ఇందులో హుస్నాబాద్కు చెందిన పలువురు రైతులు తమ అభిప్రాయాలను వ్యక్తం చేశారు. రైతు భరోసా రూ.15వేలు ఇవ్వడంతో పాటు ప్రతి పంటకూ రూ.500 బోనస్ ఇవ్వాలని కోరారు. కొందరు రైతులతో అధికారులు రాతపూర్వకంగా అభిప్రాయాలు సేకరించారు. కార్యక్రమంలో వ్యవసాయ శాఖ ఏడీఏ మహేశ్, ఏవో నాగరాజురెడ్డి, సింగిల్విండో చైర్మన్ బొలిశెట్టి శివయ్య, ఏఈవోలు, హుస్నాబాద్ పట్టణానికి చెం దిన రైతులు పాల్గొన్నారు.