సంగారెడ్డి, జూలై 11 : విద్యాసంస్థల్లో జూనియర్ విద్యార్థులపై సీనియర్ విద్యార్థు లు ర్యాగింగ్ చేస్తూ మానసికంగా ఇబ్బందులకు గురి చేస్తే కఠినంగా శిక్షిస్తామని, ర్యాగిం గ్ చట్టరీత్యా నేరమని ఎస్పీ రమణకుమార్ హెచ్చరించారు. మంగళవారం జిల్లా కేంద్రంలోని ప్రభుత్వ దవాఖాన ప్రాంగణంలో ‘మెడికల్ కళాశాలల్లో ర్యాగింగ్’పై విద్యార్థులకు అవగాహన సదస్సు ఏర్పాటు చేసి, ప్రభుత్వ చట్టాలను వివరించారు. ఈ సందర్భంగా ఎస్పీ మాట్లాడుతూ.. ర్యాగింగ్ నేరమని, ఎవరైనా ర్యాగింగ్కు పాల్పడితే శిక్షార్హులు అవుతారని హెచ్చరించారు. కొంతమంది విద్యార్థులు ర్యాగింగ్ చేస్తూ ఇతరులను ఇబ్బందులకు గురి చేస్తున్నారని, అలాంటి సమాచారాన్ని నిర్భయంగా షీటీం(8712656772)లేదా డయల్ 100కు ఫిర్యాదు చేయాలని సూచించారు. ర్యాగింగ్కు పాల్పడితే చట్టరీత్యా చర్యలు తీసుకుంటామని తెలిపారు.
విద్యార్థు లు మొదటగా చదువుకోడానికి వస్తున్నామనే విషయాన్ని గు ర్తుంచుకోవాలన్నారు. సరదాలకు వెళ్లి కష్టాలను కొని తెచ్చుకొవద్దని, తల్లిదండ్రులు మీపై పెట్టుకున్న నమ్మకాన్ని వమ్ము చేయకుండా కష్టపడి చదివి ఉన్నతస్థాయికి ఎదగాలని సూచిం చారు. ర్యాగింగ్, ఈవ్ టీజింగ్ చేస్తూ దోషులుగా నిలబడొద్దన్నారు. సదస్సులో మెడికల్ కళాశాల ప్రిన్సిపాల్ డాక్టర్ వాణి, వైస్ ప్రిన్సిపాల్స్ ప్రభాకర్, సుధామాధురి, ప్రభుత్వ దవాఖాన సూపరింటెండెంట్ డాక్టర్ అనిల్కుమార్, డీఎస్పీ రవీంద్రారెడ్డి, మెడికల్ కళాశాల విద్యార్థులు పాల్గొన్నారు.