సిద్దిపేట, జూన్ 12( నమస్తే తెలంగాణ ప్రతినిధి) : సిద్దిపేట జిల్లాకేంద్ర దవాఖానను స్థానిక ఎమ్మెల్యే హరీశ్రావు బుధవారం ఆకస్మికంగా తనిఖీ చేశారు. ఈ సందర్భంగా రోగు లు, రోగుల కుటుంబసభ్యులతో మాట్లాడి వైద్యసేవలపై ఆరాతీశారు. దవాఖాన సూపరింటెండెంట్, ఆర్ఎంవో, ఇతర వైద్యులు, సిబ్బందితో కలసి అన్ని విభాగాలను తనిఖీ చేశారు. నాణ్యమైన వైద్యసేవలకు పెట్టింది పేరైన సిద్దిపేట దవాఖానలో ఇకపైనా మెరుగైన సేవలు అందించాలని వైద్యసిబ్బందికి ఆదేశించారు. గర్భిణులతో మాట్లాడి అందుతున్న వైద్యసేవలపై ఆరాతీశారు. డైట్ మెనూ అమలును పరిశీలించారు. రోగులు ప్రైవేట్కు వెళ్లి డబ్బులు ఖర్చు చేసుకోకుండా సర్కారులో మెరుగైన వైద్యసేవలు అందించాలని ఆదేశించారు. ఫార్మసీ విభాగాన్ని సందర్శించి మందులు పంపిణీ వివరాలు అడిగి తెలుసుకున్నారు. సరిపడా అన్నిరకాల మందులు అందుబాటులో ఉంచాలన్నారు. మందులు, వైద్య పరీక్షల కోసం రోగులను బయటకు పంపించవద్దని సూపరింటెండెంట్ను ఆదేశించారు. ఎమర్జెన్సీ సేవలను మరింత బలోపే తం చేయాలని సూచించారు. అనంతరం మెడికల్ కాలేజీ ఎంబీబీఎస్, పీజీ విద్యార్థులు, డాక్టర్లు, అధ్యాపకుల సమస్యలను అడి గి తెలుసుకున్నారు.