నర్సాపూర్, జూలై 23 : కంటోన్మెంట్ బీఆర్ఎస్ ఎమ్మెల్యే లాస్యనందిత తమ నుంచి దూరం కావడం బాధాకరమని ఎమ్మెల్యే సునీతాలక్ష్మారెడ్డి విచారం వ్యక్తం చేశారు. లాస్యనందిత మృతికి మంగళవారం అసెంబ్లీలో సీఎం రేవంత్రెడ్డి సంతాప తీర్మా నం ప్రవేశపెట్టగా ఎమ్మెల్యే సునీతాలక్ష్మారెడ్డి ప్రసంగించారు.
ఈ సందర్భంగా ఆమె మాట్లాడుతూ తొలిసారిగా అసెంబ్లీకి ఎన్నికైన లాస్యనందిత మృతి చెందడం బాధాకరమన్నారు. తండ్రి సాయ న్న ఆశయాలు నెరవేర్చాలని ఆమె రాజకీయ రంగప్రవేశం చేశారని గుర్తుచేశారు. ప్రజాసేవలో భాగం గా ఎన్నో సేవా కార్యక్రమాలు చేపట్టారన్నారు. అతి చిన్న వయస్సులోనే శాసనసభలో అడుగుపెట్టిన ఆమెకు పెద్దలంటే ఎంతో గౌరవం ఉండేదన్నారు. లాస్యనందిత మృతి పట్ల సంతాపం తెలియజేస్తూ కుటుంబ సభ్యులకు ప్రగాఢ సానుభూతి ప్రకటిస్తూ ఆమె ఆత్మకు శాంతిచేకూర్చాలని భగవంతుడిని ప్రార్థిస్తున్నట్లు తెలిపారు.