సదాశివపేట, జూన్ 11: పిల్లలను ప్రభుత్వ బడు ల్లో చేర్పించాలని సంగారెడ్డి కలెక్టర్ వల్లూరు క్రాం తి అన్నారు. మంగళవారం మండల పరిధిలోని కోనాపూర్, పట్టణంలోని పీఎస్ఎంఎల్ కాలనీలో నిర్వహించిన ప్రొఫెసర్ జయశంకర్ బడిబాట కార్యక్రమానికి ఆమె ముఖ్య అతిథిగా హాజరయ్యారు. ఈ సందర్భంగా కలెక్టర్ మాట్లాడుతూ ప్రభుత్వ పాఠశాలల్లో నాణ్యమైన విద్యతోపాటు క్వాలిఫైడ్ ఉపాధ్యాయులతో విద్యాబోధన ఉం టుందని తెలిపారు. ప్రైవేటు పాఠశాలకు పంపిస్తే స్కూల్ ఫీజులతోపాటు బస్సు చార్జీలతో ఆర్థికభారం ఏర్పడుతుందని చెప్పారు. పాఠశాలల్లో ప్రభుత్వం అన్ని రకాల మౌలిక సదుపాయాలు, విద్యార్థులకు మధ్యాహ్న భోజనం అందిస్తుందన్నారు. విద్యార్థులకు పాఠ్యపుస్తకాలు, దుస్తులను ఉచితంగా అందజేస్తుందని గుర్తు చేశారు. విద్యార్థులు ప్రభుత్వ పాఠశాలల్లో చేరేవిధంగా మోటివేషన్ చేయాలని ఉపాధ్యాయులకు సూచించారు. అనంతరం అమ్మ ఆదర్శ పాఠశాలల్లో కొనసాగుతున్న పనులను పరిశీలించారు. కార్యక్రమంలో డీఈవో వెంకటేశ్వర్లు, ఎంఈవో శంకర్, ఉపాధ్యాయులు పాల్గొన్నారు.