అందోల్, మే 31: అందోల్లోని భూనీలా రంగనాథస్వామి ఆలయంలో రథోత్సవాన్ని ఘనంగా నిర్వహించారు. ఆలయ వార్షిక బ్రహ్మోత్సవాల్లో భాగంగా శుక్రవారం రథోత్సవాన్ని నిర్వహించగా వైద్యారోగ్య శాఖ మంత్రి దామోదర రాజనర్సింహ కుటుంబ సభ్యులతో కలిసి పాల్గొన్నారు. మంత్రిని ఆలయ నిర్వాహకులు, పురోహితులు ఆలయమర్యాదలతో ఘన స్వాగతం పలికి తీర్థ ప్రసాదాలు అందజేసి సన్మాంనించారు. ఈ సందర్భంగా మంత్రి మాట్లాడుతూ ఆలయం అభివృద్ధికి తనవంతు కృషి చేస్తానన్నారు. ఎంతో పూరాతన ఆలయంలో అన్ని సౌకర్యాలు కల్పించి పూర్వ వైభవం తీసుకువస్తానని మంత్రి హామీ ఇచ్చారు. కొన్ని దశాబ్దాల క్రితం నిలిచిపోయిన రథోత్సవాన్ని మళ్లీ ప్రారంభించడం ఎంతో సంతోషంగా ఉన్నదన్నారు. స్థానికులు పెద్ద సంఖ్యలో పాల్గొన్ని స్వామివారికి ప్రత్యేక పూజలు చేశారు. కార్యక్రమంలో స్టేట్ మార్క్ఫెడ్ డైరెక్టర్ జగన్మోహన్రెడ్డి తదితర నాయకులు పాల్గొన్నారు.