సంగారెడ్డి, మే 28 (నమస్తే తెలంగాణ): ఉమ్మడి మెదక్ జిల్లాలో ఇకపై రైతుల నుంచి ఎకరాకు 12క్వింటాళ్ల జొన్నలను మార్క్ఫెడ్ ద్వారా సేకరిస్తామని రాష్ట్ర వైద్య,ఆరోగ్యశాఖల మంత్రి దామోదర రాజనర్సింహ ఒక ప్రకటనలో తెలిపారు. ప్రస్తుతం 8క్వింటాళ్ల జొన్నలు మాత్రమే కొనుగోలు చేయడంతో ఇబ్బందులు పడుతున్న విషయాన్ని రైతులు తన దృష్టికి తీసుకువచ్చారని మంత్రి దామోదర తెలిపారు. ఇకపై 12 క్వింటాళ్ల జొన్నలు కొనుగోలు చేయాలని వ్యవసాయ శాఖ కార్యదర్శికి లేఖ రాసినట్లు పేర్కొన్నారు. తాను రాసిన లేఖపై ప్రభుత్వం వెంటనే స్పందించి మార్క్ఫెడ్కు ఆదేశాలు జారీ చేసినట్లు మంత్రి తెలిపారు. ప్రభుత్వ నిర్ణయం జొన్న రైతులకు ఎంతో మేలు చేస్తుందని తెలిపారు. ఈ సందర్భంగా మంత్రికి జొన్న రైతులు కృతజ్ఞతలు తెలిపారు.