సిద్దిపేట, జులై 11: జనాభా నియంత్రణ ప్రతిఒకరి బాధ్యత.. జనాభా పెరగడం వలన అనేక నష్టాలు కలుగుతాయని సిద్దిపేట జిల్లా వైద్యారోగ్యశాఖ అధికారి డాక్టర్ పుట్ల శ్రీనివాస్ అన్నారు. ప్రపంచ జనాభా దినోత్సవాన్ని పురసరించుకొని జిల్లా వైద్యారోగ్యశాఖ కార్యాలయంలో గురువారం జనాభా దినోత్సవంపై నిర్వహించిన కార్యక్రమంలో పాల్గొని మాట్లాడారు. ఈ సందర్భంగా వైద్య ఆరోగ్యశాఖ లకీ డీప్ ద్వారా ఎంపికైన ముగ్గురు అర్హులైన దంపతులకు రూ.వెయ్యి నగదు బహుమతులను అందజేశారు. కుటుంబ నియంత్రణ కార్యక్రమంలో విశిష్ట సేవలు అందించిన ఐదుగురు అధికారులు గజ్వేల్ జిల్లా దవఖానకు చెందిన డాక్టర్ అన్నపూర్ణ, నర్సింగ్ ఆఫీసర్ సునీతాకుమార్, కోహెడ ప్రాథమిక ఆరోగ్య కేంద్రానికి చెందిన ఎంపీహెచ్ఎస్ సుభద్ర, వర్గల్ ప్రాథమిక ఆరోగ్య కేంద్రానికి చెందిన ఎంపీహెచ్ఎస్ శ్రీలత, రామకపేట పీహెచ్సీకి చెందిన ఆశ వరర్ దేవలక్ష్మి, జిల్లా దవాఖాన గజ్వేల్కు చెందిన ఎంఎన్వోకే మురళిలకు ప్రశంసాపత్రాలతోపాటు జ్ఞాపికలను అందజేశారు. కార్యక్రమంలో ప్రోగ్రామ్ ఆఫీసర్లు డాక్టర్లు రజిని, శ్రీదేవి, విజయరాణి, శ్రీకాంత్, ఏవో రవీందర్రెడ్డి, సీసీ డానియల్, సిబ్బంది పాల్గొన్నారు.
మద్దూరు(ధూళిమిట్ట), జూలై 11: ప్రపంచ జనాభా దినోత్సవాన్ని పురస్కరించుకొని మద్దూరు, లద్నూర్ పీహెచ్సీల ఆధ్వర్యంలో మంగళవారం వైద్య అధికారులు సిబ్బంది ర్యాలీని నిర్వహించారు. ఈ సందర్భంగా పలువురు మాట్లాడుతూ జనాభా నియంత్రణకు ప్రతిఒక్కరూ సహకరించాలన్నారు. డాక్టర్ స్టువర్ట్ సన్, ఏఎన్ఎం, ఆశ కార్యకర్తలు పాల్గొన్నారు.