మర్కూక్,జూలై17: సిద్దిపేట జిల్లా మర్కూక్లోని పాండురంగాశ్రమంలో ఆషాఢ ఉత్సవాలు వైభవంగా నిర్వహిస్తున్నారు. బుధవారం గణపతిపూజ, లక్షపుష్పార్చన, అఖండ భగవన్నామస్మరణ, సాదమండపంలో సంగీత, సాహిత్య, సాంస్కృ తిక ప్రదర్శనలు భక్తజనులను కనువిందు చేశాయి.
భగవన్నామస్మరణలు ,పాండురంగడి సంకీర్తనలతో పాండురంగక్షేత్రం తొలిఏకాదశి పర్వదినం రోజు భక్తులను మంత్రముగ్ధుల్నిచేసింది. గురువారం సామూహిక సహాపంక్తి భోజన వడ్డింపు కార్యక్రమం చేపట్టనున్నారు. ఉపాధ్యాయ ఎమ్మెల్సీ కూర రఘోత్తంరెడ్డి, పలువురు భక్తులు శ్రీపాండురంగస్వామిని దర్శించుకుని ప్రత్యేక పూజలు చేశారు.