సిద్దిపేట ప్రతినిధి/సిద్దిపేట అర్బన్, జనవరి 10 (నమస్తే తెలంగాణ) : ఈ నెల 18వ తేదీ నుంచి ప్రా రంభమయ్యే రెండో విడత కంటి వెలుగు కార్యక్రమంలో ప్రతి ఒక్కరూ భాగస్వాములై విజయవంతం చేయా లని మంత్రి తన్నీరు హరీశ్ రావు పిలుపునిచ్చారు. మంగళవారం సిద్దిపేట కలెక్టరేట్లో రెండో విడత కంటి వెలుగు కార్యక్రమం పై జరిగిన అవగాహన సదస్సులో మంత్రి పాల్గొని మాట్లాడా రు. ముందుగా కలెక్టరేట్ ఎదుట ఏర్పాటు చేసిన కంటి వెలు గు మోడల్ రూమ్ను పరిశీలించారు. కంటి చూపుతో ఏ ఒక్క రూ బాధపడొద్దని సీఎం కేసీఆర్ రెండో విడత కంటి వెలుగు కార్యక్రమాన్ని రాష్ట్ర వ్యాప్తంగా ప్రారంభిస్తున్నారన్నారు. ప్రజలు, ప్రజాప్రతినిధుల విజ్ఞప్తి మేరకు జనవరి 18వ తేదీ నుంచి రెండో విడత కంటి వెలుగు ప్రారంభించబోతున్నామని తెలిపారు. ఐదేండ్ల కింద ప్రారంభించిన మొదటి దశ కంటి వెలుగు కార్యక్రమంలో కోటి 50 లక్షల మందికి పరీక్షలు నిర్వహించి, 50 లక్షల మందికి కంటి అద్దాలు పంపిణీ చేశామని తెలిపారు.
మొదటి విడత కంటి వెలుగు కార్యక్రమం ఉమ్మడి మెదక్ జిల్లాలోని తూఫ్రా న్ మండలం మల్కాపూర్లో సీఎం కేసీఆర్ ప్రారంభించారని, రెండో విడత కార్యక్రమాన్ని ఖమ్మం లో ప్రారంభించేందుకు సీఎం కేసీఆర్ నిర్ణయించినట్లు తెలిపా రు. ఈ కార్యక్రమానికి ఢిల్లీ, పంజాబ్, కేరళ సీఎంలు హాజ రు కానున్నట్లు మంత్రి హరీశ్రావు వెల్లడించారు. ఖమ్మంలో ప్రారంభమైన వెంటనే రాష్ట్రంలోని మిగతా ప్రాంతాల్లో ప్రారంభమవుతుందని తెలి పారు. కంటి వెలుగు కార్యక్రమం ప్రపంచంలోనే అతిపెద్ద సామూహిక కంటి పరీక్షల కార్యక్రమమని., ప్రపంచంలో ఏ దేశంలో ఇంత పెద్ద కంటి స్క్రీనింగ్ పరీక్షలు జరగలేదన్నారు. ప్రజలకు సేవ చేసేందుకు ప్రజాప్రతినిధులకు ఇదొక మంచి అవకాశమన్నారు. సాధారణ అభివృద్ధ్ది కార్యక్రమాల కంటే ఇది మంచి కార్యక్రమమన్నారు. సర్వేంద్రియానం.. నయనం ప్రదానం అంటారని, కంటికి సంబంధించిన సేవ ఉత్తమమైనదన్నారు. రూ.250 కోట్లతో రెండో విడత కంటి వెలుగు కార్యక్రమాన్ని నిర్వహిస్తున్నట్లు తెలిపారు. ఆపరేషన్లు అవసరమున్న వారికి జిల్లా కేం ద్రంలోని ఎల్వీ ప్రసాద్ దవాఖానలో, ప్రభుత్వ మెడికల్ కళాశాలలో గానీ.. ప్రభుత్వమే ఉచితంగా చేపిస్తుందన్నారు. ప్రజాప్రతినిధుల భాగస్వామ్యం ఎంతో ముఖ్యమన్నారు.
వంద రోజుల్లో కంటి వెలుగు-2
రెండో విడత కంటి వెలుగు కార్యక్రమాన్ని జనవరి 18న ప్రారంభించి జూన్ 30వ తేదీ వరకు వంద పని దినాల్లో పూర్తి చేస్తామని మంత్రి హరీశ్రావు తెలిపారు. ఈ మధ్యనే కొత్తగా 35 మంది నూతన వైద్యులను జిల్లాకు కేటాయించామని, సాధారణ వైద్య సేవలు యథావిధిగా కొనసాగడంతో పాటు కంటి వెలుగు కార్యక్రమం కొనసాగుతుందన్నారు. కంటి వెలు గు కార్యక్రమం కోసం కొంత మంది సిబ్బందితో కలిసి టీం లుగా ఏర్పాటు చేశామన్నారు. ఆ టీమ్లో ఒక డాక్టర్, ఒక కంటి వైద్య టెక్నీషియన్, ఒక డాటా ఎంట్రీ ఆపరేటర్, ఇద్దరు ఏఎన్ఎం, ముగ్గురు ఆశకార్యకర్తలు ఉంటారన్నారు. జిల్లాలో మొత్తం 45 రెగ్యులర్ టీంలతో పాటు 3 టీంలు అదనంగా అందుబాటులో ఉంటాయన్నారు. సోమవారం నుంచి శుక్రవారం వరకు రోజూ ఉదయం 9 గంటల నుంచి సాయంత్రం 4 గంటల వరకు ప్రతి గ్రామంలో, పట్టణంలో ఉండి కంటి పరీక్షలు నిర్వహించాలని ఆదేశించారు.
ఈ టీంలకు ప్రతి రోజు ఆలవెన్స్ కింద రూ.1500 అందజేస్తామన్నారు. ఏ ప్రదేశం అయితే కంటి పరీక్షలకు అనువుగా ఉంటుందో స్థానిక సర్పంచ్లు, కౌన్సిలర్లు స్థలాన్ని గుర్తించాలన్నారు. ఇప్పటికే పది లక్షల కళ్లజోడులు అన్ని జిల్లాలకు చేరుకున్నాయని, జనవరి 18వ తేదీ వరకు అన్ని పీహెచ్సీలకు, టీంలకు అవి అందుతాయని వెల్లడించారు. పరీక్ష చేసిన రోజే సమస్యను బట్టి అవసరమున్న వారికి మందులతో పాటు కంటి అద్దాలు పంపిణీ ఉంటుందని, గ్రామపంచాయతీలకు కూడా రోజుకు ఒక రూ. వెయ్యి చొప్పున డబ్బులు మంజూ రు చేస్తామని తెలిపారు. ప్రతి గ్రామంలో ఏ రోజు క్యాంప్ ఉంటుందో ప్రజలందరికీ తెలిసేలా రేషన్ దుకాణం వద్ద, గ్రామపంచాయతీ వద్ద ఫ్లెక్సీలు ఏర్పాటు చేయాలని సూచించారు. క్యాంప్ ఏర్పాటుకు రెండు, మూడు రోజుల ముందు చాటింపు చేయించడంతో పాటు మైక్లో తెలియజేయాలన్నారు.