మెదక్ మున్సిపాలిటీ, జూలై 25: డబుల్ బెడ్రూమ్ కాలనీల అభివృద్ధికి కృషి చేస్తానని ఎమ్మెల్యే మైనంపల్లి రోహిత్రావు అన్నారు. గురువారం జిల్లా కేంద్రంలోని పిల్లికొటాల్ డబుల్ బెడ్రూమ్ కాలానీలో ఆకామ్ సంస్థ (ఆటోమెటిక్ క్లోరినేషన్ ఆన్లైన్ మానిటరింగ్), మున్సిపాలిటీ ఆధ్వర్యంలో ఏర్పాటు చేసిన తాగునీటి కేంద్రాన్ని ప్రారంభించారు.
ఈ సందర్భంగా ఎమ్మెల్యే మాట్లాడుతూ ఈ కాలనీల్లో త్వరలోనే సీసీ రోడ్లు, డ్రైనేజీలు నిర్మిస్తామన్నారు. ఇంకా పూర్తి కాని ఇండ్ల నిర్మాణాన్ని త్వరగా పూర్తి చేసి లబ్ధిదారులకు అందిస్తామన్నారు. కార్యక్రమంలో మున్సిపల్ చైర్మన్ చంద్రపాల్, కమినషర్ జానకీరామ్సాగర్, మున్సిపల్ మాజీ వైస్ చైర్మన్ రాగి అశోక్, కౌన్సిలర్లు మధుసూదన్రావు, లింగం, శేఖర్, లక్ష్మీనారాయణగౌడ్, గంగాధర్, ఆకామ్ సంస్థ ప్రతినిధులు తదితరులు పాల్గొన్నారు.