జూలై 19 (నమస్తే తెలంగాణ): గ్రామాలు, పట్టణాల్లో పారిశుధ్య పను లు పక్కాగా చేపట్టాలని, సీజనల్ వ్యాధుల ప్రబలకుండా అధికారులు అప్రమత్తంగా ఉండి చర్యలు చేపట్టాలని మంత్రి సీతక్క ఆదేశించారు. శుక్రవారం హైదరాబాద్ నుంచి వీడియో కాన్ఫరెన్స్లో డీపీవోలు, డీఎల్పీవోలతో ఆమె మాట్లాడారు….‘స్వచ్ఛధనం- పచ్చదనం’ అనే నినాదంతో ముందుకెళ్లాలన్నారు. తాగునీరు కలుషితం కాకుండా చర్యలు చేపట్టాలన్నారు. పైప్లైన్ లీకేజీలను అరికట్టి శుద్ధినీరు ప్రజలకు అందించాలన్నారు. ఫ్రైడే డ్రై డే తప్పనిసరిగా పాటించాలన్నారు.
ఇంటింటికీ వెళ్లి ఏవరైనా జ్వరాలు బారిన పడితే వైద్యం అందించేందుకు చర్యలు తీసుకోవాలని మంత్రి సూచించారు. అన్ని పంచాయతీల్లో ఫాగింగ్ మిషన్లు అందుబాటులో ఉంచుకోవాలని, సరిపడా బ్లీచింగ్ పౌడర్, ఆయిల్ బాల్స్ అందుబాటులో పెట్టుకోవాలన్నారు. ప్రతి 15 రోజులకు ఒకసారి గ్రామ,మండల, జిల్లాస్థాయి రివ్యూ సమావేశాల ఏర్పా టు చేసి ఈ అన్ని అంశాలపై చర్చించాలన్నారు. సీజనల్ వ్యాధులు ప్రబలకుండా తీసుకోవాల్సిన ముందస్తు జాగ్రత్తలపై ప్రజలకు అవగాహన కార్యక్రమాలు నిర్వహించాలని సూచించారు.
సంక్షేమ హాస్టళ్లను ప్రత్యేకాధికారులు సందర్శించి పారిశుధ్యం, ఆహార పదార్థాలు తనిఖీ చేయాలన్నారు. లక్ష్యం మేర మొక్కలు నాటి జియోట్యాగింగ్ పూర్తి చేయాలని మంత్రి సూచించారు. ఇంటింటికీ 6 మొకలు పంపిణీ చేయాలన్నారు. అనంతరం అదనపు కలెక్టర్ వెంకటేశ్వర్లు, కలెక్టరేట్ నుంచి డీఎల్పీవోలు, డీపీవోలతో సమీక్షించారు. వీడియో కాన్ఫరెన్స్లో డీపీవో యాదయ్య, డీఆర్డీవో శ్రీనివాసరావు, అధికారులు పాల్గొన్నారు.