అందోల్, జూలై 18: రాష్ట్రంలో అర్హులైన రైతులందరికీ పంట రుణాలు మాఫీ చేస్తామని వైద్య, ఆరోగ్య శాఖల మంత్రి దామోదర రాజనర్సింహ అన్నారు. పంట రుణమాఫీ సంబురాల్లో భాగంగా మండలంలోని డాకూర్ రైతువేదికలో గురువారం నిర్వహించిన కార్యక్రమంలో ఆయన పాల్గొన్నారు. వీడియోకాన్ఫరెన్స్ ద్వారా సీఎం రేవంత్రెడ్డితో రైతులను నేరుగా మాట్లాడించారు. ఈ సం దర్భంగా మంత్రి మాట్లాడుతూ.. ఎన్నికల్లో ఇచ్చి న హామీ ప్రకారం పంట రుణాలు మాఫీ చేస్తున్నామన్నారు.
మొదటగా రూ. లక్ష లోపు రుణాలన్ని మాఫీ చేస్తామని, ఆగస్టు నెలఖరులోగా రూ. 2లక్షల రుణాలు సైతం మాఫీ చేస్తామన్నారు. రైతులెవ్వరూ అధైర్య పడొద్దని, ఏమైనా సాంకేతిక లోపాలతో రుణాలు మాఫీ కాకపోతే సంబంధిత అధికారుల దృష్టికి తీసుకురావాలన్నారు. అర్హులకు రుణమాఫీ జరిగేలా అధికారులు, బ్యాంకర్లు సహకరించాలని కోరారు. డాకూర్ రైతు వేదిక ఆవరణలో కలెక్టర్ క్రాంతితో కలిసి మొక్కలు నాటారు. అనంతరం పీర్ల పండుగలో పాల్గొని పూజలు చేశారు. కార్యక్రమంలో ఆర్డీవో పాండు, తహసీల్దార్ భా స్కర్, ఏడీఏ అరుణ , ఏవో విజయరత్న, పీఏసీఎస్ చైర్మన్ నరేందర్రెడ్డి, మాజీ ఎంపీటీసీ రమేశ్గౌడ్, పంచాయతీ కార్యదర్శి వినీత్ పాల్గొన్నారు.