కొండాపూర్, సెప్టెంబర్ 6: సంగారెడ్డి నియోజకవర్గంలో రాష్ట్ర చేనేత అభివృద్ధి సంస్థ చైర్మన్ చింతా ప్రభాకర్ ఎల్లప్పడూ ప్రజలకు అందుబాటులో ఉండే ప్రజల మనిషి అని ఆర్థిక, వైద్యారోగ్య శాఖల మంత్రి తన్నీరు హరీశ్రావు కొనియాడారు. గత ఎన్నికల్లో ఓటమి చెందినా అప్పటి నుంచి ఇప్పటి వరకు ప్రజలకు అందుబాటులో ఉన్న వక్తి అని, ఇలాంటి వ్యక్తిని సంగారెడ్డి ప్రజలు ఆయనను గుండెల్లో పెట్టుకుని గెలిపించాలని పిలుపునిచ్చారు. ప్రతి కార్యకర్త పట్టుదలతో పనిచేసి రానున్న ఎన్నికల్లో ఆయనను ఎమ్మెల్యేగా గెలిపించుకోవాల్సిన బాధ్యత మీదన్నారు. కొండాపూర్ మండలంలో కాంగ్రెస్, బీజేపీలకు గట్టి షాక్ తగిలింది. బుధవారం చేనేత అభివృద్ధి సంస్థ చైర్మన్ చింతా ప్రభాకర్ ఆధ్వర్యంలో పలువురు నాయకులు కాంగ్రెస్ బీజేపీలను విడిచి మంత్రి తన్నీరు హరీశ్రావు సమక్షంలో బీఆర్ఎస్లో చేరారు. కాంగ్రెస్ పార్టీ కొండాపూర్ మండలాధ్యక్షుడు, అనంతసాగర్ ఉప సర్పంచ్ ఇంద్రారెడ్డి, అనంతసాగర్ సర్పంచ్ అంకుశ ఇంద్రారెడ్డి గ్రామ అభివృద్ధి జరగాలంటే బీఆర్ఎస్తోనే సాధ్యమవుతుందని గులాబీ పార్టీలో చేరారు. వీరితో పాటు మునిదేవునిపల్లికి చెందిన కొండాపూర్ మాజీ ఎంపీపీగా పని చేసిన యాదయ్య సుమారు 300 మందికి పైగా కార్యకర్తలు బీఆర్ఎస్లో చేరారు.
తొగర్పల్లికి చెందిన బీజేపీ సీనియర్ నాయకుడు, మాజీ ఎంపీటీసీ రాజు, కాంగ్రాస్ మండల మాజీ కో-ఆప్షన్ సభ్యుడు ఎండీ జాకీర్, అనంతసాగర్ మాజీ ఎంపీటీసీ ప్రకాశం, మల్కాపూర్ మాజీ ఎంపీటీసీ రమణి నరేష్లు బీఆర్ఎస్ పార్టీలో చేరారు. ఈ సందర్భంగా పార్టీలో చేరిన నాయకులు మాట్లాడుతూ కొండాపూర్ మండలంలో జరుగుతున్న అభివృద్ధిని చూసి ప్రజల అవసరానికి, వారి అవసరాలను తీర్చేందుకు సీఎం కేసీఆర్ కోట్లాది రూపాయలు ఖర్చు చేస్తుండడంతో, కొండాపూర్ మండల అభివృద్ధిని చూసి తాము బీఆర్ఎస్లో చేరుతున్నట్లు తెలిపారు. అనంతరం చింతా ప్రభాకర్ మాట్లాడుతూ సంగారెడ్డి నియోజకవర్గానికి పెద్ద ఎత్తున నిధులు మంజూరు చేసి అభివృద్ధి పనులు చేస్తున్న సీఎం కేసీఆర్, మంత్రి హరీశ్రావు, ఐటీ శాఖ మంత్రి కేటీఆర్కు కృతజ్ఞతలు తెలిపారు. కార్యక్రమంలో జడ్పీటీసీ పద్మావతి పాండురంగం, వైస్ ఎంపీపీ లక్ష్మీరాంచందర్, సర్పంచ్ల ఫోరం మండలాధ్యక్షుడు రుక్ముద్దీన్, ఎంపీటీసీల ఫోరం మండలాధ్యక్షుడు విజయభాస్కర్రెడ్డి, సొసైటీ చైర్మన్ శ్రీకాంత్రెడ్డి, బీఆర్ఎస్ మండలాధ్యక్షుడు మ్యాకం విఠల్, మాజీ సర్పంచ్, మండల ప్రధాన కార్యదర్శి గోవర్ధన్రెడ్డి, బీఆర్ఎస్ నాయకులు మల్లాగౌడ్, మోహన్గౌడ్, ఎంపీటీసీలు రాందాస్, నాయకులు రఘనాథ్రెడ్డి, ప్రభుదాస్, సడాకుల కుమార్, నగేష్, ప్రవీణ్, నాగయ్య, రవి, గురుకిరణ్ తదితరులు పాల్గొన్నారు.
కంది, సెప్టెంబర్ 6: తెలంగాణ ప్రజలు కాంగ్రెస్, బీజేపీ మాయ మాటలకు లొంగే పరిస్థితి లేదని, మూడోసారి అధికారం బీఆర్ఎస్దేనని మంత్రి హరీశ్రావు అన్నారు. తాము పాజిటివ్ ఓటును నమ్ముకుంటే కాంగ్రెస్, బీజేపీ నాయకులు నెగిటివిటి పెంచే ప్రయత్నంలో ఉన్నారని విమర్శించారు. చేనేత అభివృద్ధి సంస్థ చైర్మన్ చింతా ప్రభాకర్ నాయకత్వంలో బుధవారం కంది మండలం ఎద్దుమైలారం గ్రామానికి చెందిన కాంగ్రెస్ పార్టీకి చెందిన సుమారు 100మంది మంత్రి హరీశ్రావు సమక్షంలో బీఆర్ఎస్లో చేరారు. హైదరాబాద్లోని మంత్రి నివాసంలో వారికి కండువాలు కప్పి పార్టీలోకి ఆహ్వానించారు.
ఈ సందర్భంగా మంత్రి మాట్లాడుతూ కాంగ్రెస్ డిక్లరేషన్ను నమ్మే స్థితిలో ప్రజలు లేరని, బీఆర్ఎస్కు మూడోసారి అధికారం ఇవ్వాలని ప్రజలు ఎప్పుడో సెల్ప్ డిక్లరేషన్ చేసుకున్నారని పేర్కొన్నారు. సంగారెడ్డిలో గెలిచిన ఎమ్మెల్యే నాలుగున్నర సంవత్సరాల నుంచి నియోజకవర్గాన్ని పట్టించుకోకపోయినా బీఆర్ఎస్ సర్కారు సంగారెడ్డి అభివృద్ధికి కృషి చేసిందన్నారు. బీఆర్ఎస్తోనే అభివృద్ధి సాధ్యమవుతుందన్నారు. కాంగ్రెస్ పార్టీకి చెందిన ఎద్దుమైలారం మాజీ సర్పంచ్ ధశరథ్, మాజీ వార్డు మెంబర్లు యాదగిరి, యువకులు బీఆర్ఎస్లో చేరారు. కార్యక్రమంలో కంది ఎంపీపీ సరళా పుల్లారెడ్డి, జడ్పీటీసీ కొండల్రెడ్డి, జిల్లా గ్రంథాలయ సంస్థ చైర్మన్ నరహరిరెడ్డి, బీఆర్ఎస్ కంది మండలాధ్యక్షుడు మధుసూదన్రెడ్డి, ఎంపీటీసీ వరకుమార్ తదితరులు పాల్గొన్నారు.