పుల్కల్, జూలై 25: ఎగువ ప్రాంతాల్లో కురుస్తున్న వర్షాలకు సంగారెడ్డి జిల్లా సింగూరు ప్రాజెక్టులోకి వరద వస్తున్నది. గతేడాది ఇదే సమయంలో ప్రాజెక్టులో 21.272 టీఎంసీల నీరు నిల్వ ఉండగా, ప్రస్తుతం ప్రాజెక్టులో 13.899 టిఎంసీల నీరు మాత్రమే ఉంది. ప్రాజెక్టు పూర్తి సామర్థ్యం 29.917 టీంఎంసీలు కాగా ప్రాజెక్టులోకి 1444 క్యూసెక్కులు ఇన్ఫ్లో వస్తున్నదని ప్రాజెక్టు అధికారులు తెలిపారు.
ఎగువ ప్రాంతాలైన కర్ణాటక, మహారాష్ట్ర, సాయిగావ్లో భారీ వర్షాలు కురిస్తేనే ప్రాజెక్టులోకి వరద భారీగా చేరుతుందని, ఈసారి వర్షాలు ఆశించిన స్థాయిలో లేకపోవడంతోనే ప్రాజెక్టు లోకి అంతగా వరద రావడం లేదని అధికారులు అంటున్నారు. ఈ సీజన్లో జూన్ నుంచి అర టీఎంసీ నీరు వచ్చి నట్లు ప్రాజెక్టు ఏఈ మహిపాల్రెడ్డి తెలిపారు.