పటాన్చెరు, జూలై 20: సంగారెడ్డి జిల్లా పటాన్చెరు మండలం రుద్రారంలోని గీతం డీమ్డ్ విశ్వవిద్యాలయం శనివారం సందడిగా మారింది. సంతోషకర వాతావరణంలో 15వ పట్టభద్రుల దినోత్స వం (స్నాతకోత్సవం) వైభవంగా నిర్వహించారు. గీతం ఇన్చార్జి ఉపకులపతి ప్రొఫెసర్ వై. గౌతమరావు అధ్యక్షతన జరిగిన ఈ కార్యక్రమానికి బార్లేస్ బ్యాంక్ ఇండియా పూర్వ సీఈవో రామ్గోపాల్ ముఖ్యఅతిథిగా హాజరై పట్టాలు, పథకాలను అందజేశారు.
విద్యార్థులు పట్టాలు అందుకుంటున్న సందర్భంగా గీతం ప్రాంగణం సం దడిగా మారింది. ఉల్లాసభరితమైన, ఆహ్లాదకర వాతావరణంలో బార్లేస్ బ్యాంక్ సీఈవో రామ్గోపాల్ చేతుల మీదుగా విద్యార్థులు గ్రాడ్యుయేషన్ పట్టాలు తీసుకున్నారు. ఈ మధుర క్షణాలను చూసి న తల్లిదండ్రులు చప్పట్లతో తమ పిల్లలను ప్రోత్సహించారు.
అనంతరం పట్టాలతో విద్యార్థి బృందాలు చేసిన సందడి అందరినీ ఆకట్టుకున్నది. ప్రయోజకులై తమ పిల్లలు పట్టాలు పొందటంపై తల్లిదండ్రులు హర్షాతిరేకాలు వ్యక్తం చేశారు. విద్యార్థులతో కుటుంబసభ్యులు ఫొటోలు దిగి సంబుర పడ్డారు. తల్లిదండ్రుల దీవెనలతో విద్యార్థుల ముఖా ల్లో సంతోషం కనిపించింది. బం గారు పతకాలు సాధించిన పట్టభద్రులు పలువురు తమకు గీతం వర్సిటీతో అనుబంధాన్ని గుర్తు చేసుకున్నారు. అధ్యాపకుల ప్రోత్సా హం బాగుందని కొనియాడారు. కార్యక్రమంలో గీతం అధ్యాపక బృందం, సిబ్బం ది, తల్లిదండ్రులు విద్యార్థులు పాల్గొన్నారు.