చేర్యాల, జూలై 21: కాంగ్రెస్లో ఫ్లెక్సీల లొల్లి మొదలైంది. సిద్దిపేట జిల్లా చేర్యాల మండలంలోని వీరన్నపేటకు చెందిన టీపీసీసీ అధికార ప్రతినిధి మొగుళ్ల రాజిరెడ్డి పుట్టిన రోజును ఆదివారం పట్టణంలోని ఓ ఫంక్షన్హాల్లో రాజన్న యువసేన నాయకులు, కార్యకర్తలు ఘనంగా జరుపుకొన్నారు. పుట్టిన రోజు సందర్భం గా రాజన్న యువసేన పేరిట అభిమానులు చేర్యాల పట్టణంతోపాటు కొమురవెల్లి, జనగామలో భారీగా ఫ్లెక్సీలను శనివారం రాత్రి ఏర్పాటు చేశారు. పీఎం గార్డెన్స్, చుంచనకోట క్రాస్రోడ్డు, బీడీ కాల నీ, భద్రఖాళీ గార్డెన్స్ తదితర ప్రదేశాల్లో మొగుళ్ల రాజన్న యువసేన ఏర్పాటు చేసిన ఫ్లెక్సీలను గుర్తు తెలియని వ్యక్తులు చింపివేయడంతోపాటు కొన్నింటిని తొలిగించారు.
పంట రుణ మాఫీ సందర్భంగా డీసీసీ జనగామ అధ్యక్షుడు కొమ్మూరి ప్రతాప్రెడ్డితో పాటు సీఎం రేవంత్రెడ్డి ఫొటోలతో కాంగ్రెస్ పట్టణ నాయకుడు అంబాల రాముగౌడ్ ఏర్పాటు చేసిన ఫ్లెక్సీల్లో కొమ్మూరి ఫొటో కనిపిస్తున్న ప్రదేశంలో ఉన్న ఫ్లెక్సీలను సైతం గుర్తుతెలియని వ్యక్తులు తొలిగించారు. గతంలో చేర్యాల, కొమురవెల్లి రహదారిలో మల్ల న్న దర్శనం కోసం వస్తున్న భక్తులకు స్వాగ తం పేరిట మొగుళ్ల రాజన్న యువసేన ఏర్పాటు ఏర్పాటు చేసిన ఫ్లెక్సీలను తొలిగించారు. తాజాగా మరోసారి మొగుళ్ల ఫ్లెక్సీలను తొలిగించడంపై స్థానికంగా చర్చనీయాంశంగా మారింది. ఫ్లెక్సీల తొలిగింపు విషయం పోలీసులు దృష్టికి రావడంతో సీసీ కెమెరాలు తనిఖీ చేసి అసలు ఎవరు తొలిగించారో తెలుసుకునే పనిలోపడ్డా రు. దోషులను తేలుస్తామంటున్నారు.