సంగారెడ్డి కలెక్టరేట్, జూలై 25: పంట రుణమాఫీ పొందిన రైతుల రుణాలను రెన్యువల్ చేయాలని కలెక్టర్ వల్లూరు క్రాంతి బ్యాం కర్లకు సూచించారు. గురువారం కలెక్టరేట్లో రైతు రుణ మాఫీపై ఫేజ్-1 అమలు తీరుపై సమావేశం నిర్వహించారు.
ఈ సందర్భంగా కలెక్టర్ మాట్లాడుతూ రుణమాఫీలో భాగంగా ఏపీజీవీబీ, ఎస్బీఐ, కెనరా బ్యాంక్ లో అత్యధికంగా రైతులు పంట రుణాలు మాఫీ పొం దారని తెలిపారు. రైతులకు వ్యవసాయ అవసరాల నిమిత్తం పంట రుణమాఫీ డబ్బులు వాడుకునే విధంగా వెంటనే చెల్లించాలని ఆదేశించారు. పంట రుణాలను ఇతర రుణాల కింద జమ చేసుకోవద్దన్నారు. పంట రుణాల రెన్యూవల్ను రెండు, మూడు రోజుల్లో పూర్తి చేయాలన్నారు. సమావేశంలో జిల్లా వ్యవసాయ శాఖ ఇన్చార్జి అధికారి అంభికాసోనీ, లీడ్ బ్యాంక్ మేనేజర్, వివిధ బ్యాంకుల అధికారులు పాల్గొన్నారు.