సిద్దిపేట అర్బన్, జూన్ 7: అమ్మ ఆదర్శ పాఠశాలల కార్యక్రమం ద్వారా ప్రభుత్వ పాఠశాలల్లో చేపడుతున్న పనులను ఈనెల 20వ తేదీలోగా పూర్తి చేయాలని సిద్దిపేట జిల్లా కలెక్టర్ మను చౌదరి అధికారులను ఆదేశించా రు. శుక్రవారం కలెక్టరేట్లో పంచాయతీరాజ్ ఇంజినీరింగ్ అధికారులు, ఈడబ్ల్యూఐడీసీ ఇంజినీర్లు, విద్యాశాఖ అధికారులతో కలెక్టర్ సమావేశం నిర్వహించారు.
ఈ సందర్భంగా కలెక్టర్ మాట్లాడుతూ.. ప్రభుత్వ పాఠశాలల్లో మౌలిక వసతులను మెరుగుపరిచేందుకు అమ్మ ఆదర్శ పాఠశాలల కార్యక్ర మం కింద జిల్లాలో 814 పాఠశాలల్లో విద్యు త్, తరగతి గదులు, మరుగుదొడ్లు, కిషన్ షెడ్లు, ప్రహరీల పనులు చేపడుతున్నట్లు తెలిపారు. పాఠశాలల పునఃప్రారంభం కావడానికి 5 రోజుల సమయం మాత్రమే ఉన్నా, కేవలం 176 పాఠశాలల్లో మాత్రమే పనులు పూర్తికావడంతో అసహనం వ్యక్తం చేశారు. చివరిదశలో ఉన్న పాఠశాలల్లో రంగులు పూర్తిచేసి 12వ తేదీలోగా సిద్ధం చేయాలన్నా రు.
మిగతా పాఠశాలల్లో ఈనెల 20వ తేదీలోగా వందశాతం పనులు పూర్తి చేయాలని ఆదేశించారు. పనుల పూర్తిచేయడంలో నిర్లక్ష్యంగా వ్యవహరించే అధికారులపై చర్యలు తీసుకుంటానని హెచ్చరించారు. సమీక్షలో పంచాయతీరాజ్ ఈఈలు, డీఈలు, ఏఈ లు, విద్యాశాఖ అధికారులు పాల్గొన్నారు.