హుస్నాబాద్, మార్చి 6: ఎల్ఆర్ఎస్ పేరుతో ప్రజలపై పెనుభారం మోపితే సహించేదిలేదని హుస్నాబాద్ మాజీ ఎమ్మెల్యే వొడితెల సతీశ్కుమార్ అన్నారు. బుధవారం సిద్దిపేట జిల్లా హుస్నాబాద్లోని అంబేద్కర్ చౌరస్తాలో బీఆర్ఎస్ ఆధ్వర్యంలో ఎల్ఆర్ఎస్కు వ్యతిరేకంగా ధర్నా నిర్వహించారు. ఈ సందర్భంగా ఆయన మాట్లాడుతూ తెలంగాణ తొలి సీఎం కేసీఆర్ ఎల్ఆర్ఎస్ను ప్రవేశపెట్టినప్పుడు ప్రస్తుతం మంత్రులుగా ఉన్న కోమటిరెడ్డి వెంకటరెడ్డి, ఉత్తమ్కుమార్రెడ్డి, భట్టి విక్రమార్కలు ఎన్నో విమర్శలు చేశారన్నారు. ఎల్ఆర్ఎస్ను ఉచితంగా అమలు చేయాలని అప్పట్లో వారు డిమాండ్ చేశారన్నారు.
కానీ నేడు మళ్లీ ఎల్ఆర్ఎస్ను పెట్టి ప్రజల నుండి పెద్ద మొత్తంలో డబ్బులు గుంజేందుకు కుట్రలు చేస్తున్నారని ఆరోపించారు. కార్యక్రమంలో హనుమకొండ జడ్పీచైర్పర్సన్ డాక్టర్ సుధీర్కుమార్, హుస్నాబాద్ మున్సిపల్ చైర్పర్సన్ ఆకుల రజిత, వైస్చైర్పర్సన్ అయిలేని అనిత, నాయకులు వంగ వెంకట్రామ్రెడ్డి, అన్వర్, తిరుపతిరెడ్డి, ఆకుల వెంకట్, మున్సిపల్ కౌన్సిలర్లు, బీఆర్ఎస్ ప్రజాప్రతినిధులు, నాయకులు పాల్గొన్నారు.