గద్వాల, జూన్ 6 : గద్వాల, అలంపూర్ నియోజకవర్గాలో అభివృద్ధి కార్యక్రమాలను వేగవంతం చేసి జిల్లా అభివృద్ధికి తోడ్పాటునందించాలని కలెక్టర్ సంతోష్ను గద్వాల, అలంపూర్ ఎమ్మెల్యేలు బండ్ల కృష్ణమోహన్రెడ్డి, విజయుడు, ఎమ్మెల్సీ చల్లా వెంకట్రామిరెడ్డి విన్నవించారు. గురువారం వారు కలెక్టర్ను కలిసి గద్వాల,అలంపూర్ నియోజకవర్గాల్లో జరుగుతున్న, నిలిచిపోయిన అభివృద్ధి పనులపై చర్చించారు. త్వరలో పాఠశాలలు ప్రా రంభం అవుతున్నందున విద్యార్థులకు ఇబ్బందులు కలుగకుండా మౌలిక సదుపాయాలు కల్పించడంతోపాటు పు స్తకాలు, దుస్తులు అందించాలని కోరారు.
వర్షాకాలం ప్రా రంభమవుతున్నందున గ్రామీణ ప్రాంతాల్లో కొన్నింటికి సరైన రోడ్డు సౌకర్యం కూడా లేదని, ప్రజల ఇబ్బందులను దృష్టిలో ఉంచుకొని అన్ని గ్రామాలకు రోడ్డు సౌకర్యం క ల్పించాలన్నారు. గ్రామాల్లో సర్పంచులు లేనందువల్ల ప్రత్యేకాధికారుల పాలన కొనసాగుతుందని, పారిశుధ్య పనులు చేపట్టి ప్రజలు రోగాల బారిన పడకుండా చూడాలన్నారు. కేసీఆర్ ప్రభుత్వంలో గద్వాల నియోజకవర్గంలో చేపట్టిన వివిధ కమ్యూనిటీ హాల్స్ నిర్మాణాలు పూ ర్తయ్యే విధంగా ప్రత్యేక నిధులు విడుదల చేసి పనులు పూర్తి చేసి వినియోగంలోకి వచ్చేలా చూడాలన్నారు. అందుకు కలెక్టర్ స్పందిస్తూ ఎక్కడెక్కడ అభివృద్ధి పనులు నిలిచిపోయాయో గుర్తించి ప్రాధాన్యత క్రమంలో వాటిని పూర్తి చేసే విధంగా చర్యలు తీసుకోవడంతోపాటు అవసరమైన నిధుల కోసం ప్రభుత్వానికి నివేదిక అందజేయనున్నట్లు తెలిపారు.