అచ్చంపేటరూరల్, జూన్ 25 : ఇంటర్ విద్యార్థి ఆత్మహత్య చేసుకున్న ఘటన మండలంలోని రంగాపూర్ గ్రామంలో మంగళవారం వెలుగు చూసింది. కుటుంబ సభ్యులు తెలిపిన వివరాల ప్రకారం.. అచ్చంపేట మండలం రంగాపూర్ గ్రామానికి చెందిన పుల్లగర్ల పవన్ అచ్చంపేట ప్రభుత్వ జూనియర్ కళాశాలలో ఇంటర్ చదివాడు. సోమవారం ఇంటర్ సప్లిమెంటరీ ఫలితాలు రావడంతో తాను ఫెయిల్ అయినట్లు తెలుసుకొని తీవ్ర మనస్తాపానికి గురయ్యారు. ఈ క్రమంలో ఇంట్లో ఎవరూ లేని సమయంలో ఇంట్లో ఫ్యాన్కు ఉరేసుకొని ఆత్మహత్యకు పాల్పడ్డాడు. మంగళవారం మృతదేహానికి అచ్చంపేట దవాఖానలో పోస్టుమార్టం నిర్వహించి కుటుంబ సభ్యులకు అప్పగించారు. ఈ ఘటనపై ఎస్సై రామును వివరణ కోరగా కేసు నమోదు చేసుకొని దర్యాప్తు చేస్తున్నామని వెల్లడించారు.