మూసాపేట, జూలై 12 : గ్రామాల్లో అభివృద్ధి ప నుల నిర్వహణ కోసం ప్రభుత్వం గ్రామ పంచాయతీలకు నిధులు కేటాయించాలి. కానీ సర్పంచుల పదవీ కాలం ముగియడంతోపాటు ప్రభుత్వం పంచాయతీలకు నిధులు మంజూరు చేయకపోవడంతో గ్రా మ పంచాయతీ ఖాతాలు ఖాళీగా ఉన్నాయి. దీంతో పంచాయతీల నిర్వహణ పంచాయతీ కార్యదర్శుల కు కష్టంగా మారింది. సొంతంగా జేబులోంచి డబ్బు లు పెట్టుకోవాల్సిన పరిస్థితి ఏర్పడడంతో పంచాయ తీ కార్యదర్శులు తలలు పట్టుకుంటున్నారు. తప్పనిసరి పరిస్థితుల్లో పంచాయతీ కార్యదర్శులు అప్పులు తెచ్చి మరీ కాలం వెళ్లదీస్తున్నారు. ఆగస్టు వరకు అ యితే మళ్లీ సర్పంచులు వస్తారని నిబ్బరంతో ఉన్న వారికి ఇప్పట్లో సర్పంచుల ఎన్నికలు లేనట్లే అని తెలిసి దిక్కుతోచని స్థితిలో పడ్డారు.
ఫిబ్రవరి 2వ తేదీతో సర్పంచుల పదవీ కాలం ముగిసింది. అంతవరకు గ్రామ పంచాయతీ నిర్వహణ కోసం ఎలాంటి పనులు చేయాలన్నా వారు జేబులో నుంచి మొదలు ఖర్చు చేసేవారు. తర్వాత పంచాయతీ నిధుల నుంచి డ్రా చేసుకొనే వారు. వా రి పదవీకాలం ముగిసిన తర్వాత ఎవరూ పట్టించుకోకపోవడంతో ఆ భారం మొత్తం పంచాయతీ కార్యదర్శులపై పడింది. అంతేకాక గ్రామానికి పర్యవేక్షణ కోసం అధికారులు, ఇతరులు కాని వస్తే ఆ డబ్బులు సొంతగా సర్పంచులు భరించే వారు. కానీ ఇప్పుడు పంచాయతీ కార్యదర్శుల జీతం డబ్బుల నుంచి పెట్టుకోవాల్సిన పరిస్థితి ఉంది. అంతే కాక ఇప్పటివరకు పంచాయతీల నిర్వహణ కోసం తెలిసిన వారు, గ్రామంలో కొంత పరిచయం ఉన్న వారితో రూ.50 వేల నుంచి లక్షల వరకు పంచాయతీ కార్యదర్శులు అప్పు రూపంలో తీసుకొని నిర్వహణ ఖర్చులను భరిస్తూ వస్తున్నారు. ఇప్పటికైనా పంచాయతీ నిధు లు విడుదల చేయకపోతే కార్యదర్శుల బతుకులు బజారున పడే అవకాశం లేకపోలేదు.
పంచాయతీల పాలకవర్గం పదవీ కాలం ముగిసిన తర్వాత గ్రామ పంచాయతీలకు మండలంలోనే విధులు నిర్వహిస్తున్న అధికారులను ప్రత్యేకాధికారులగా నియమించారు. వారికి ఒక్కో అధికారికి రెండు నుంచి మూడు గ్రామ పంచాయతీల వరకు బాధ్యతలు అప్పగించారు. దీంతో వారు రోజూ నిర్వహించాల్సిన బాధ్యతలతోపాటు పంచాయతీ కార్యదర్శులపై పర్యవేక్షణ చేస్తున్నారు. నిర్వహణలో, నిధుల సమకూర్చడంలో వారు అంటిముట్టనట్లు వ్యవహరిస్తున్నారు. దీంతో అంతా తామై పంచాయతీ కార్యదర్శులే భారమంతా మోస్తున్నారు.
కాంగ్రెస్ ప్రభుత్వం ఏర్పడిన నాటి నుంచి పంచాయతీలకు నిధులు విడుదల చేయలేదు. అంతకు ముందు ఎన్నికల కాలంలో కూడా నిధులు మంజూ రు కాకపోవడంతో పంచాయతీ ఖాతాలన్నీ ఖాళీగా మారాయి. ఇటీవల వచ్చిన పన్నులు చిన్నా చితక నిర్వహణ ఖర్చులకు కూడా సరిపోవడం లేదు. జనా భా ప్రతిపాదికగా కేంద్ర, రాష్ట్ర ప్రభుత్వాల నుంచి నిధులు విడుదలవుతాయని, కానీ చిన్న గ్రామ పం చాయతీల మాట పక్కన బెడితే పెద్ద గ్రామ పంచాయతీలు, మండల కేంద్రాల నిర్వహణ పంచాయతీ కార్యదర్శులకు తలకు మించిన భారంగా మారుతుంది. ఫిబ్రవరి కంటే ముందు సర్పంచులు నిర్వహణ కోసం పెట్టిన ఖర్చు చాలా ఉన్నాయి. అందుకు తోడు సిబ్బంది జీతాలు ఉన్నాయి. ఇప్పుడు నిధులు వచ్చినా మొదట అవి పూర్తయిన తర్వాత మిగిలితేనే కార్యదర్శులు పెట్టిన ఖర్చులు చేతికి వచ్చే అవకాశం ఉన్నది. మహబూబ్నగర్ జిల్లాలో పంచాయతీలు వివరాలు పరిశీలిస్తే మొత్తం 441 గ్రామ పంచాయతీలలో 6,36,743 జనాభా ఉన్నది.