వనపర్తి, జూన్ 11 (నమస్తే తెలంగాణ) : పారదర్శక పాలన అందించేందుకు అధికారులు సమన్వయంతో పనిచేయాలని ఎక్సైజ్, పర్యాటక శాఖల మం త్రి జూపల్లి కృష్ణారావు పేర్కొన్నారు. మంగళవారం పాన్గల్, వీపనగండ్ల, చిన్నంబావి మండలాలకు సం బంధించిన అధికారులతో కలెక్టరేట్లోని సమావేశపు హాల్లో కలెక్టర్ తేజస్ నందలాల్ పవార్, అదనపు కలెక్టర్ నగేశ్ ఆధ్వర్యంలో వైద్యం, ఆరోగ్యం, విద్య, పంచాయతీరాజ్, విద్యుత్, మిషన్ భగీరథ, వ్యవసాయ, ఉద్యాన, నీటిపారుదల శాఖల వారీగా నెలకొన్న సమస్యలపై సమీక్ష నిర్వహించారు. ఈ సందర్భంగా మంత్రి మాట్లాడుతూ ప్రజలు మెచ్చేవిధంగా పారదర్శక పాలన అందించేందుకు అధికారులు పూర్తి సహకారం అందించాలన్నారు. అన్ని పాఠశాలల్లో మౌలిక వసతులు కల్పించేలా చర్యలు తీసుకోవాలని సూచించారు. సర్కారు బడుల్లోని విద్యార్థుల సంఖ్య, ప్రస్తుతం ఉన్న ఉపాధ్యాయులు, ఖాళీలపై ఆరా తీశారు. ఖాళీగా ఉన్న పోస్టులను భర్తీ చేయాలని, పె ద్దదగడ, పెద్దమరూర్లోని సర్కారు బడులను కార్పొరేట్ స్థాయిలో అభివృద్ధి చేసేందుకు నిధులు మం జూరు చేస్తామన్నారు.
విద్యుత్ శాఖ అధికారులు రైతులను ఇబ్బందులకు గురిచేస్తే సహించమని స్పష్టం చేశారు. వ్యవసాయ విద్యుత్ కనెక్షన్ల కోసం ఎంతమంది దరఖాస్తు చేసుకున్నారు? వాటిలో పురోగతి ఎలా ఉందని అధికారులను అడిగి తెలుసుకున్నారు. ప్రజలు ఇచ్చిన విద్యుత్ ఫిర్యాదులను తప్పనిసరిగా స్వీకరించి పరిష్కరించాలని, లేని పక్షంలో చర్యలు తీసుకుంటామని కలెక్టర్ హెచ్చరించారు. గోపల్దిన్నె రిజర్వాయర్ నుంచి సరఫరా చేస్తున్న మిషన్ భగీరథ నీరు శుభ్రంగా ఉండేలా అధికారులు చర్యలు తీసుకోవాలని మంత్రి సూచించారు. భీమా, కల్వకుర్తి, పీఆర్ఎల్ఐ ఎత్తిపోతల పథకాల్లో చేపట్టాల్సిన భూసేకరణపై వారం రోజుల్లో నివేదిక ఇవ్వాలన్నారు. ఎరువులు, విత్తనాల కొరత లేకుండా చర్యలు తీసుకోవాలని సంబంధిత అధికారులను ఆదేశించారు. పెండింగ్లో ఉన్న సీసీ, బీటీ రోడ్లను వెంటనే పూర్తి చేయాలని, అవసరమైతే 60 సీ సెక్షన్ కింద పనిచేయని కాంట్రాక్టర్లకు నోటీసులు జారీ చేసి కొత్త టెండర్లు పిలవాలన్నారు. వర్షాకాలంలో సీజనల్ వ్యాధులు ప్రబలకుండా వైద్య, ఆరోగ్యశాఖ పరంగా చర్యలు తీసుకోవాలని.. వీపనగండ్ల, చిన్నంబావి మండలాలకు అం బులెన్స్లు ఏర్పాటు చేయాలన్నారు. రేమద్దులలో ఏ ర్పాటు చేసిన పీహెచ్సీని పూర్తిస్థాయిలో మల్టీ లెవల్ హెల్త్ ప్రొవైడర్ డాక్టర్ను నియమించేలా చర్యలు తీసుకోవాలని డీఎంహెచ్వోను ఆదేశించారు. అనంతరం రెవెన్యూ శాఖ పరంగా ఉన్న భూ సమస్యలపై సమావేశం నిర్వహించా రు. సమీక్ష లో జిల్లా అ ధికారులు, ఆ ర్డీవో, ఎంపీడీవో లు, తాసీల్దార్లు, ప్రజలు, నాయకులు పాల్గొన్నారు.
సింగోటం బడికి రూ. 40లక్షలు..
మండలంలోని సింగోటం జెడ్పీ హైస్కూల్లో బాడిబాటలో భాగంగా అధికారులు, గ్రామ పెద్దలు, విద్యార్థుల తల్లిదండ్రులు, డీఈవో గోవిందరాజులుతో మంత్రి సమావేశమై మాట్లాడారు. నియోజకవర్గంలో డెమోగా ఈ పాఠశాలను ఎంపిక చేశామన్నారు. మౌలిక సౌకర్యాల కోసం తన నిధుల నుంచి రూ.40 లక్షలు మంజూరు చేస్తున్నట్లు ప్రకటించారు. ఈ నిధులను సద్వినియోగం చేసుకొని రాష్ట్రంలోనే ఆదర్శ పాఠశాలగా గుర్తింపు తేవాలన్నారు. ప్రభుత్వ పాఠశాలల నిర్వహణపై నిర్లక్ష్యం వహిస్తే చర్యలు తప్పవని హెచ్చరించారు.