వనపర్తి, జూలై 23 (నమస్తే తెలంగాణ) : మదనాపురం రైతు వేదికలో ఏఈవో స్పందనతో మాట్లాడుతున్న ఈ మహిళ పేరు గొల్ల బాలదేవమ్మ. మదనాపురం మండలం నర్సింగాపురం నివాసి. ఈమెకు రెండు ఎకరాల మూడు గుం టల వ్యవసాయ భూమి ఉంది. మదనాపురం ఎస్బీఐలో పట్టా పాస్బుక్ పెట్టి రూ.60వేల పంట రుణం తీసు కుంది. కానీ, ఈమెకు రుణమాఫీ రాలేదు. కారణాలు తె లుసుకునేందుకు రెండు రోజులుగా అవస్థలు పడుతు న్నది. ఇంత మందికి వచ్చి తనకెందుకు రాలేదో చెప్పం డి అంటూ మంగళవారం మదనాపురం రైతువేదికలో ఇలా వాకబు చేసింది. ప్రస్తుతం వచ్చిన రుణమాఫీ లిస్టులో మీ పేరు లేదని, వివరాలిస్తే ఉన్న తాధికారులకు వివరిస్తామని అధికారులు చెప్పడంతో చేసేదేమీ లేక వెనుదిరిగింది.
కాంగ్రెస్ ప్రభుత్వం ఈ నెల 18వ తేదీన రూ.లక్ష లోపు ఉన్న రై తులకు రుణమాఫీ ప్రకటించిన సంగతి విధితమే. అ యితే బ్యాంక్ లెక్కలకు.. ప్రభుత్వం చేసిన రుణమాఫీ లెక్కలకు పొంతనలేక పోవడంతో అటు బ్యాంకర్లు.. ఇ టు వ్యవసాయ శాఖ అధికారులు తలలు పట్టుకుంటున్నారు. కార్యాలయాలకు వచ్చే రైతులకు సమాధానాలు చెప్పలేక కొన్నిసార్లు దాటవేస్తున్నారు. రూ.2 లక్షలకుపైగా రుణాలున్న రైతులు ఇటువైపు చూడకపోగా, రూ. లక్ష లోపు మాఫీ కాని వారు లబోదిబోమంటున్నారు.
వనపర్తి జిల్లాలో రూ.లక్ష లోపు రుణమాఫీలో 28,613 మంది అకౌంట్లకుగానూ 28,010 రైతుల కుటుంబాలకు రుణ విముక్తికి అవకాశం కల్పించారు. ఇందుకోసం రూ. 156.92 కోట్లు మాఫీ చేస్తున్నట్లు ప్రకటించారు. అయితే వీటి సంగతి ఇలా ఉంటే.. ఇంకా రూ.లక్షలోపు రుణం తీసుకున్న రైతుల పేర్లు మాఫీ జాబితాలో లేకపోవడం తో అన్నదాతలు ఆవేదన వ్యక్తం చేస్తున్నా రు. అలాగే లిస్టుల్లో పే ర్లున్న వారికి సైతం బ్యాంకుల్లో మాఫీ డ బ్బులు జమ కాలేదు. ఇలా రుణమాఫీ లిస్టులతోపాటు ఇతర అవకాశం ఉన్న రైతులకు కూడా మాఫీ లిస్టులో పేర్లు లేకపోవడంతో ప్రభుత్వం గ్రీవెన్స్ను ఏ ర్పాటు చేసింది. ఏఈవోల ద్వారా వీటిలోని తప్పిదాల ను నమోదు చేసుకొని ప్రభుత్వానికి వివరించేలా చర్య లు తీసుకుంటున్నారు. రెండు రోజులుగా జిల్లాలోని ఏ ఈవోల ద్వారా కేవలం 58మంది రైతులకు సంబంధించిన ఫిర్యాదులు నమోదయ్యాయి. ఒకే కుటుంబంలో ఇద్దరికి రుణాలుండడం వల్ల రుణమాఫీ కొందరికి రాలేదని, ఒకే కుటుంబంలో ఒక రైతున్నా రుణమాఫీ రాని రైతుల వివరాలు మాత్రం తీసుకొని ప్రభుత్వానికి పంపిస్తామని ఏఈవోలు రైతులకు సెలవిస్తున్నారు.
తప్పిదాలతోనే తంటాలు..
అధికారులు చేసిన తప్పిదాలతోనే రైతులకు రుణమాఫీ తంటాలు వస్తున్నాయి. ఈ తప్పిదాల వల్ల జిల్లా లో ఇంకా రూ.లక్ష లోపు రుణాలున్న రైతులు దాదాపు 10వేల మంది ఉంటారని అనధికార అంచనా. అయితే వీరి కుటుంబాల్లో పంట రుణం రూ.లక్ష దాటితే తొలి విడుతలో రారని అధికారులు చెబుతున్నారు. అలాగే బ్యాంకుల్లో ఏర్పడ్డ సాంకేతిక లోపాలతో అనేక మంది రైతులకు సమస్య వచ్చి పడింది. వివిధ రకాల సమస్యలతో బ్యాంకుకు వెళితే.. వ్యవసాయ కార్యాలయానికి వెళ్లమని అధికారులు చెబుతుండటంతో రైతులకు అర్థంకాని పరిస్థితి ఏర్పడింది. దీంతో రైతులంతా ఏఈవోల చుట్టూ రుణమాఫీ కోసం చక్కర్లు కొడుతున్నారు. ఆధార్ కార్డులను పరిశీలించి వారు ఏదో ఒకటి చెబుతున్నప్పటికీ రైతులకు సంతృప్తి కలగడం లేదు. రుణ రిజిస్టర్లో ఒక పేరు.. ఆధార్లో మరొక పేరు ఉం దంటూ అందుకే అమలు కాలేదని, వచ్చే విడుతలో మాఫీ వస్తుందని చెప్పి పంపిస్తున్నారు. రుణమాఫీలో చెబుతున్న తిరకాసులు ఎప్పుడు తీరిపోతాయో.. సవరణలు ఎప్పుడు అవుతాయో.. మాకు రుణ విముక్తి ఎప్పుడు లభిస్తుందోనంటూ రైతులు ఆందోళన వ్యక్తం చేస్తున్నారు.
అర్హులకే వర్తిస్తుంది : డీఏవో
ప్రభుత్వ నిబంధనల మేరకు అర్హులైన వారికి రుణమాఫీ వర్తిస్తుందని డీఏవో సుధాకర్రెడ్డి తెలిపారు. కొన్ని చిన్నచిన్న పొరపాట్ల వల్ల కొంతమంది రైతులకు సమస్య వచ్చినా వాటిని గుర్తించి ప్రభుత్వానికి తెలియజేస్తామన్నారు. ఇప్పటికే జిల్లాలోని రైతు వేదికల్లో ఏఈవోల ద్వారా వివరాలను సేకరిస్తున్నామన్నారు.
మాఫీ కాలేందంటున్నారు..
మదనాపురం ఎస్బీఐ లో రూ.50 వేలు అప్పు తీ సుకున్నాను. రూ.లక్షలోపు ఉన్నోళ్లకు ప్రభుత్వం రుణమాఫీ చేసిందన్నారు. కానీ నాకు మాఫీ కాలేదు. బ్యాం కు, వ్యవసాయాధికారులను అడిగితే ఏదేదో చెబుతున్నా రు. రుణమాఫీ అంతా గందరగోళంగా ఉంది. ఇం కా ఎన్ని రోజులు అధికారుల చుట్టూ తిరగాలో.
– గుజ్జల ఆంజనేయులు, రైతు, నర్సింగాపురం