నాగర్కర్నూల్, జూలై 24 (నమస్తే తెలంగాణ) : జిల్లాలోని ప్రతి ఎకరాకు సాగునీరు అందిస్తామని ఎక్సైజ్ అండ్ పర్యాటక శాఖల మంత్రి జూపల్లి కృష్ణారావు అన్నారు. మహాత్మాగాంధీ కల్వకుర్తి ఎత్తిపోతల పథకం (ఎంజీకేఎల్ఐఎస్)భాగమైన గుడిపల్లి గట్టు బ్యాలెన్సింగ్ రిజర్వాయర్ నుంచి ఆయకట్టులోని మోటర్లకు బుధవారం ఎమ్మెల్యేలు రాజేశ్రెడ్డి, వంశీకృష్ణ, కసిరెడ్డి నారాయణరెడ్డి, మేఘారెడ్డి, కలెక్టర్ సంతోష్తో కలిసి మంత్రి జూపల్లి పూజలు చేసి నీటిని విడుదల చేశారు.
ఈ సందర్భంగా మంత్రి మాట్లాడుతూ కల్వకుర్తి ప్రాజెక్ట్ పరిధిలోని 3.65 లక్షల ఎకరాల ఆయకట్టులో మూడింట రెండు వంతులకు పైగా గుడిపల్లి గట్టు రిజర్వాయర్ నుంచి నీరు అందుతుందన్నారు. రిజర్వాయర్ నుంచి నాగర్కర్నూల్, కల్వకుర్తి, అచ్చంపేట ప్రధాన కాల్వలకు నీటిని విడుదల చేయ డం జరిగిందన్నారు. పంపుల ద్వారా ప్రతిరోజూ 650 క్యూసెక్కుల నీటిని విడుదల చేయనున్నట్లు పేర్కొన్నా రు. జిల్లాలోని కల్వకుర్తి, అచ్చంపేట, నాగర్కర్నూల్ నియోజకవర్గం రైతులకు వానదేవుడి దయతో రెండు పంటలకు సాగునీరు అందజేసేందుకు ఏర్పాట్లు చేస్తున్నామన్నారు.
ముఖ్యమంత్రి ఇటీవలే ఉమ్మడి జిల్లా ప్రాజెక్ట్ల సమీక్షా సమావేశంలో పనుల పురోగతిపై వేగవంతం చేసేలా చర్యలు తీసుకున్నట్లు మంత్రి తెలిపారు. ఉమ్మడి జిల్లాల ప్రాజెక్ట్లను పూర్తి చేసేందుకు ముఖ్యమంత్రి కృత నిశ్చయంతో ఉన్నారన్నారు. అనంతరం కృష్ణమ్మకు పూలతో స్వాగతం పలికారు. అంతకు ముందు ఇంజినీరింగ్ అధికారులతో మంత్రి సమావేశమై నీటి లభ్యత, విద్యుత్ వినియోగం తదితర అం శాలపై కూలంకుషంగా చర్చించారు. కార్యక్రమంలో ఇం జినీరింగ్ అధికారులు సత్యనారాయణరెడ్డి, ఈఈ రవీందర్, ఎస్వీఎన్ కంపెనీ ఎండీ శ్రీనివాస్రెడ్డితో పాటు స్థానిక నాయకులు తదితరులు ఉన్నారు.