మహబూబ్నగర్, నవంబర్ 22 (నమస్తే తెలంగాణ ప్రతినిధి ): మహబూబ్నగర్ జిల్లా కేంద్రంలో నిర్వహించిన ప్రజా ఆశీర్వాదసభ విజయవంతమైంది. బుధవారం నిర్వహించిన సభతో సీఎం కేసీఆర్ అన్ని నియోజకవర్గాల్లో ప్రజా ఆశీర్వాద సభలు నిర్వహించినట్లయ్యింది. ఇంకా ఎన్నికలకు సరిగ్గా ఎనిమిది రోజులు ఉన్న సమయంలో పాలమూరులో నిర్వహించిన ప్రజా ఆశీర్వాద సభకు పెద్దఎత్తున జనం హాజరయ్యారు. మధ్యాహ్నం మూడు గంటలకు సమావేశం నిర్వహించినప్పటికీ.. 12గంటల నుంచి జనం రావడం ప్రారంభించారు ఎండను సైతం లెక్కచేయకుండా కేసీఆర్ కోసం మూడు గంటలు వేచి చూశారు. మంత్రి శ్రీనివాస్గౌడ్ ఆధ్వర్యంలో పార్టీ నేతలు మహబూబ్నగర్ రూరల్, అర్బన్, హన్వాడ మండలాల్లో పెద్దఎత్తున జన సమీకరణ నిర్వహించారు. దీంతో పాలమూరు పట్టణమంతా జనసంద్రమైంది. వచ్చిన జనాలకు బాయ్స్ కాలేజ్ గ్రౌండ్ సరిపోలేదు. చాలామంది రోడ్లపైనే ఉండిపోయారు. కేసీఆర్ రాగానే ఈలలు చప్పట్లతో ఘనంగా స్వాగతం పలికారు.
అంతకుముందు హెలికాప్టర్ ద్వారా సభ వేదిక చుట్టూ చక్కర్లు కొట్టారు. కేసీఆర్కు కింది నుంచి అభివాదం చేయడం చాలామంది తమ సెల్ఫోన్లలో హెలికాప్టర్ చుట్టూ తిరిగే విజువల్స్ రికార్డు చేశారు. సభావేదిక మీదకు రాగానే జనం ఒక్కసారిగా కేరింతలు కొట్టారు. జై కేసీఆర్, జై శ్రీనివాస్గౌడ్, జైజై బీఆర్ఎస్ అంటూ నినాదాలు చేశారు. ఇక ముఖ్యమంత్రి మాట్లాడుతున్నంతసేపు ప్రజలు పెద్దఎత్తున ప్రతిస్పందన తెలిపారు. మూడు గంటల కరెంట్పై, రైతుబంధుపై ధరణి తొలగించడంపై కాంగ్రెస్ నాయకులు చేస్తు న్న ప్రకటనలపై జనం నుం చి మంచి రెస్పాన్స్ వచ్చిం ది. మహబూబ్నగర్ అభివృద్ధి గురించి వివరించినం త సేపు చప్పట్లు కొట్టారు. చివర్లో మంత్రి శ్రీనివాస్గౌడ్ను గెలిపిస్తే వచ్చే ప్రభుత్వంలో మంచి పదవి ఇస్తానని కేసీఆర్ హామీ ఇవ్వడంతో కార్యకర్తలు ఒక్కసారిగా జై కేసీఆర్ అంటూ నినదించా రు. సీఎం కేసీఆర్ సభ వేది క దిగిపోగానే కార్యకర్తలంతా వేదికపైకి పాటలకు జోష్తో డ్యాన్సులు చేశా రు.