జడ్చర్ల, నవంబర్ 6 : మునుగోడు నియోజకవర్గ ప్రజలు ఉప ఎన్నికలో అభివృద్ధికి పట్టం కట్టారని టీఆర్ఎస్ (బీఆర్ఎస్) పార్టీ నాయకులు అన్నారు. మునుగోడులో పార్టీ అభ్యర్థి కూసుకుంట్ల ప్రభాకర్రెడ్డి భారీ మెజార్టీతో గెలుపొందడంపై హర్షం వ్యక్తం చేస్తూ ఆదివారం జడ్చర్ల పట్టణంలోని అంబేద్కర్చౌరస్తా, నేతాజీచౌరస్తా, నిమ్మబావిగడ్డ ప్రాంతా ల్లో సంబురాలు నిర్వహించారు. ఈ సందర్భంగా పటాకులు కాల్చి స్వీట్లు పంపిణీ చేశారు. అనంతరం మాట్లాడుతూ ముఖ్యమంత్రి కేసీఆర్ చేపట్టిన అభివృద్ధి, సంక్షేమ కార్యక్రమాలే పార్టీ అభ్యర్థిని గెలిపించాయని తెలిపారు. దేశంలోని అన్ని ప్రాంతాలను అభివృద్ధి చేయడమే లక్ష్యంగా ముఖ్యమంత్రి కేసీఆర్ బీఆర్ఎస్ను ఏర్పాటు చేసినట్లు పేర్కొన్నా రు. కార్యక్రమంలో జెడ్పీ వైస్చైర్మన్ యాదయ్య, మున్సిపల్ చైర్పర్సన్ లక్ష్మి, మార్కెట్ కమిటీ డైరెక్టర్లు శ్రీకాంత్రెడ్డి, సుభాష్, కౌన్సిలర్లు కోట్ల ప్రశాంత్రెడ్డి, నవనీతాకొండల్, లత, ఉమాదేవి, చైతన్యచౌహాన్, మార్కెట్ కమిటీ చైర్మన్ మురళి, ముడా డైరెక్టర్లు ఇంతియాజ్ఖాన్, శ్రీకాంత్, నాయకులు పర్వత్రెడ్డి, ఎర్ర శ్రీను, నర్సింహులు, శంకర్నాయక్, వెంకటేశ్, శ్రీనూనాయక్, దానిశ్, అజహర్, నిజామ్, హజీబ్, జావిద్, హనీఫ్, విజయ్ పాల్గొన్నారు.
మహబూబ్నగర్ మండలంలో..
మహబూబ్నగర్ రూరల్ మండలంలోని కోడూర్, కోటకదిర గ్రామాల్లో టీఆర్ఎస్ (బీఆర్ఎస్) పార్టీ నాయకులు సంబురాలు నిర్వహించారు. మునుగోడు ఉపఎన్నికలో పార్టీ అభ్యర్థి కూసుకుంట్ల ప్రభాకర్రెడ్డి భారీ మెజార్టీతో గెలుపొందడంపై సంతోషం వ్యక్తం చేశారు. కార్యక్రమంలో సర్పంచులు శ్రీకాంత్గౌడ్, మల్లు రమ్యాదేవేందర్రెడ్డి తదితరులు పాల్గొన్నారు.
దేవరకద్ర మండలంలో..
మునుగోడు ఉపఎన్నికలో టీఆర్ఎస్ (బీఆర్ఎస్) ఘనవిజయం సాధించడంపై పలు గ్రామాల్లో పార్టీ నాయకులు సంబురాలు నిర్వహించారు. చిన్నచింతకుంట, కౌకుంట్ల మండలకేంద్రాల్లో టీఆర్ఎస్ (బీఆర్ఎస్) నాయకులు, ప్రజాప్రతినిధులు పటాకులు కాల్చి స్వీట్లు పంపిణీ చేశారు.