మహబూబ్నగర్, నవంబర్ 1 (నమస్తే తెలంగాణ ప్రతినిధి) : గూడు లేని పేదలకు నీడ కల్పించాలనే ఉద్దేశంతో ప్రభుత్వం ప్రతిష్టాత్మకంగా డబుల్బెడ్రూం ఇండ్లను నిర్మిస్తున్నది. దేవరకద్ర ఎమ్మెల్యే ఆల వెంకటేశ్వర్రెడ్డి కృషితో నియోజకవర్గానికి 1,190 ఇండ్లను సీఎం కేసీఆర్ మంజూరు చేశారు. 869 నిర్మాణాలు పూర్తి కాగా.. మిగిలిన ఇండ్ల పనులు శరవేగంగా సాగుతున్నాయి. విశాలమైన రహదారులు, డ్రైనేజీ, సీసీ రోడ్లు, ప్రతి ఇంటి ఎదుట పచ్చదనం ఉట్టిపడేలా కాలనీలను ఏర్పాటు చేశారు. లక్కీడిప్లో లబ్ధిదారులను ఎంపిక చేయనున్నారు. ఇప్పటికే అన్నాసాగర్లో సైతం జాతీయ రహదారి-44కు
చేరువలో ఖరీదైన నాలుగెకరాల భూమిని ఎమ్మెల్యే ఆల సొంతంగా కొనుగోలు చేసి అక్కడ డబుల్ బెడ్రూం ఇండ్లు నిర్మించి ఇచ్చారు. దళారుల ప్రమేయం లేకుండా కేటాయించడంతో అర్హుల మోములో ఆనందం వెల్లివిరుస్తున్నది.
పేదల సొంతింటి కలను సాకారం చేయాలని సీఎం కేసీఆర్ ప్రతిష్టాత్మకంగా డబుల్ బెడ్రూం ఇండ్లను నిర్మించి అర్హులకు పంపిణీ చే స్తున్నారు. ఈ మే రకు దేవరకద్ర ని యోజకవర్గంలో వెయ్యి కుటుంబాల కండ్లలో ‘డబుల్’ ఆనందం వెల్లివిరుస్తున్నది. ఎమ్మెల్యే ఆల వెంకటేశ్వర్రెడ్డి ప్రత్యేక చొరవతో 1,190 ఇం డ్లను మంజూరు చేయించి.. దాదాపు వెయ్యి ఇం డ్లను లబ్ధిదారులకు పంపిణీ చేశారు. గూడు లేని పేదలకు ఇండ్లు కేటాయించడంతో వారి ఆనం దం అంతాఇంతా కాదు. తన సొంత గ్రామం (అన్నాసాగర్)లో జాతీయ రహదారిని ఆనుకుని ఖరీదైన భూమిని కొనుగోలు చేసి నిరుపేదలకు పక్కాగా డబుల్ బెడ్రూం ఇండ్లు కట్టించి ఇచ్చా రు. మారుమూల గ్రామాల్లో సైతం కాలనీలను తలదన్నేలా ఇండ్లు నిర్మించారు. కాంట్రాక్టర్లు, అధికారులను ఉరుకులు, పరుగులు పెట్టించి సకాలంలో నిర్మాణాలు పూర్తి చేయించారు. లబ్ధిదారులను లక్కీడీప్ ద్వారా పారదర్శకంగా ఎంపిక చేసి ఇండ్లను కేటాయించారు. ఉమ్మడి జిల్లాలో మహబూబ్నగర్ తర్వాత దేవరకద్ర నియోజకవర్గం ఆదర్శంగా నిలిచింది. చిన్న చిన్న సమస్యలు వచ్చినా.. వాటిని వెంటనే పరిష్కరించి దళారుల ప్రమేయం లేకుండా అసలైన లబ్ధిదారులకు ఇండ్లు కేటాయించడంతో సర్వత్రా హర్షం వ్యక్తమవుతున్నది.
1,190 ఇండ్లు మంజూరు..
దేవరకద్ర నియోజకవర్గానికి రాష్ట్ర ప్రభుత్వం విడుతల వారీగా 1,190 డబుల్ బెడ్రూం ఇండ్ల ను మంజూరు చేసింది. వీటిని ఎమ్మెల్యే ఆల అ న్ని మండలాలకు కేటాయించడంతోపాటు పేద లు ఎక్కువగా ఉండి.. ఇండ్లు లేని గ్రామాలను ఎంపిక చేశారు. గ్రామాలకు సమీపంలో ప్రభుత్వ భూములు ఉండేలా చూసుకున్నారు. దేవరకద్ర మండలంలోని అమిస్తాపూర్ అర్బన్ పరిధిలో 276, అన్నాసాగర్లో 80, చిన్నచింతకుంట మండలం కురుమూర్తి గ్రామంలో 140, ము చ్చింతలలో 20, వడ్డేపల్లిలో 36, నిజాలాపూర్లో 104, ముసాపేటలో 7, జానంపేటలో 80, మిరాసిపల్లిలో 20, పామాపూర్లో 56, తిర్మలాయిపల్లి బ్లాక్-2లో 40.. ఇలా 869 ఇండ్ల నిర్మాణాలు పూర్తి చేశారు. ఇంకా 430 ఇండ్లు నిర్మాణ దశలో ఉన్నాయి. ఇండ్ల నిర్మాణాల్లో నాణ్యత లోపించ్దొని.., నిధులు తక్కువ పడితే భరిస్తానని ఎమ్మెల్యే కాంట్రాక్టర్లకు సూచించారు. కొన్ని చో ట్ల మెటీరియల్ సప్లయ్ చేస్తున్నారు. స్థానికుల చొరవతో శరవేగంగా నిర్మాణాలు సాగుతున్నాయి.
సొంత గ్రామంలో నాలుగెకరాలు..
ఎమ్మెల్యే ఆల తన సొంత గ్రామమైన అన్నాసాగర్లో జాతీయ రహదారి పక్కన నాలుగెకరా ల భూమిని కొనుగోలు చేశారు. గ్రామంలో ఇం డ్లు లేని నిరుపేదలకు 80 పక్కా ఇండ్లు నిర్మించి పంపిణీ చేశారు. నాణ్యతతో ఇండ్లను నిర్మించా రు. విశాలమైన రహదారులు, డ్రైనేజీ, సీసీ రోడ్లు, ప్రతి ఎదుట పచ్చదనం ఉట్టిపడేలా తన తండ్రి ఆల రఘుపతిరెడ్డి జ్ఞాపకార్థం అద్భుతమైన కాలనీని ఏర్పాటు చేశారు. ఇండ్ల మధ్య పార్కు కూడా ఉన్నది. సీఎం కేసీఆర్, ఎమ్మెల్యే ఆలకు లబ్ధిదారులు కృతజ్ఞతలు తెలుపుతున్నారు. రోజువారీ కూలీలు కావడంతోపాటు గుడిసెల్లో జీవిస్తున్న వారికే ఇండ్లు కేటాయించంతో లబ్ధిదారుల ఆనందం అంతా ఇంతా కాదు.
సీఎం కేసీఆర్కు రుణపడి ఉంటాం..
మాది నిరుపేద కుటుంబం. ఇల్లు నిర్మించుకునేందుకు ఆర్థిక స్థోమత లేదు. అలాంటి పరిస్థితుల్లో సీఎం కేసీఆర్ సారు మంజూరు చేసిన ఇండ్లను ఎమ్మెల్యే ఆల వెంకటేశ్వర్రెడ్డి ప్రత్యేక చొరవతో నిర్మాణాలు పూర్తి చేశారు. ఇంటి కోసం దరఖాస్తు చేసుకుంటే.. లక్కీడిప్లో నా పేరు వచ్చింది. సొంతింటి కల నెరవేరింది. ఇల్లు చాలా బాగుంది. మేము కట్టుకున్నా ఇంత మంచిగా ఉండదు. చాలా సంతోషంగా ఉన్నది. సీఎం కేసీఆర్కు, ఎమ్మెల్యే ఆలకు జీవితాంతం రుణపడి ఉంటాం.
– మహేశ్వరి, లబ్ధిదారురాలు, జానంపేట