పాలమూరు, అక్టోబర్ 31 : క్షయవ్యాధి నిర్మూలన అందరి భాగస్వామ్యంతోనే సా ధ్యమవుతుందని అదనపు కలెక్టర్ తేజస్ నందలాల్ పవార్ అన్నారు. కలెక్టరేట్లోని రెవెన్యూ సమావేశ మందిరంలో సోమవా రం క్షయవ్యాధి నిర్మూలనకు తీసుకోవాల్సిన జాగ్రత్తలపై రూపొందించిన పోస్టర్ను ఆవిష్కరించారు. ఈ సందర్భంగా మాట్లాడు తూ 2025 నాటికి దేశంలో క్షయవ్యాధిని పూర్తిగా నిర్మూలించేందుకు కేంద్ర ప్రభు త్వం ప్రధానమంత్రి టీబీముక్త్ భారత్ అభియాన్ కార్యక్రమాన్ని చేపట్టిందని తెలిపా రు.
ఇందులో భాగంగా సమాజ సహకారం తో టీబీ రోగులకు చేయూత ఇవ్వడం, టీబీ నివారణకు తీసుకోవాల్సిన జాగ్రత్తలపై అవగాహన కల్పించడంవంటి కార్యక్రమాలను చేపట్టనున్నట్లు తెలిపారు. అనంతరం డిప్తిరియా కేసులు పెరగకుండా10నుంచి 16ఏండ్ల పిల్లలకు ఇచ్చే వ్యాక్సినేషన్పై సమీ క్ష నిర్వహించారు. జిల్లాలో 15వేలమంది పిల్లలకు వ్యాక్సిన్ ఇవ్వనున్నట్లు తెలిపారు. అలాగే టీబీ రోగులకు మందులతోపాటు, పౌష్టికాహారం కిట్లను పంపిణీ చేశారు. కార్యక్రమంలో డీఎంహెచ్వో కృష్ణ, జెడ్పీ సీఈవో జ్యోతి, డీపీఆర్వో వెంకటేశ్వర్లు, వివిధ శాఖ ల అధికారులు పాల్గొన్నారు.