కేసీఆర్ పాలమూరు పార్లమెంట్ సభ్యుడిగా ఉన్నప్పుడే తెలంగాణ స్వరాష్ట్ర కల సాధ్యమైంది. దీంతో మహబూబ్నగర్ లోక్సభ స్థానం చరిత్రలో నిలిచిపోయింది. 2009, 2014, 2019 ఎన్నికల్లో బీఆర్ఎస్ వరుసగా మూడుసార్లు విజయం సాధించడంతో పాలమూరు గులాబీ కంచుకోటగా మారింది. ఇటీవల జరిగిన అసెంబ్లీ ఎన్నికల్లో బీఆర్ఎస్ పరాజయం పాలైనప్పటికీ పార్లమెంట్ ఎన్నికలు వచ్చే వరకు సీన్ మొత్తం రివర్స్ అయ్యింది. కాంగ్రెస్ అధికారంలోకి వచ్చిన నాలుగు నెలలైనా ప్రజలకు ఇచ్చిన హామీలు నెరవేర్చకపోవడంతో తీవ్ర వ్యతిరేకత మొదలైంది. ఇటీవల సీఎం ఎన్నికల పర్యటనలకు అనుకున్న స్థాయిలో జనం రాకపోవడమే ఇందుకు నిదర్శనం. కాగా గులాబీ కంచుకోటలో పాగా వేసేందుకు ఇటు అధికార పార్టీ.. అటు బీజేపీలు తీవ్రంగా శ్రమిస్తున్నాయి. తెలంగాణ ఉద్యమం ఉవ్వెత్తున ఎగిసినప్పటి నుంచి పాలమూరు ప్రజలు గులాబీ దళపతి కేసీఆర్ వెంటనే ఉన్నారు. ఈసారి కూడా పాలమూరు లోక్సభలో తీవ్ర పోటీ నడుస్తున్నది. త్రిముఖ పోటీ అనివార్యమైంది. గెలుపు కోసం అన్ని పార్టీలు శ్రమిస్తున్నాయి. ప్రచారాలతో హోరెత్తిస్తున్నాయి.
మహబూబ్నగర్ పార్లమెంట్ స్థానాన్ని అధికార పార్టీ ప్రతిష్టాత్మకంగా తీసుకున్నది. స్వయం గా సీఎం రేవంత్రెడ్డి ఇప్పటికే నాలుగు సార్లు పార్లమెంట్ అభ్యర్థికి మద్దతుగా ఎన్నికల ప్రచారం లో పాల్గొన్నారు. రెండు, మూడు టూర్లు మరోసారి ఉండబోతున్నాయని పార్టీ నేతలు అంటున్నారు. కాంగ్రెస్ అభ్యర్థికి ఇటు బీఆర్ఎస్ నుంచి అటు బీజేపీ నుంచి గట్టి పోటీ ఎదురవుతున్నది. సీఎం సొంత జిల్లా కావడంతో ఈ ఎన్నికల్లో కాంగ్రెస్ నాయకులు ఎలాగైనా గెలిచి తీరాలని భావిస్తున్నారు. మరోవైపు మహబూబ్నగర్ ఎన్నికల ప్రచారంలో సీఎం వాడిన భాష పాలమూరు జి ల్లాలో తీవ్ర చర్చనీయాంశంగా మారింది. రెచ్చగొట్టేలా సీఎం మాట్లాడడంతో ఆ పార్టీకి ఓటమి భయం పట్టుకుందని రాజకీయ విశ్లేషకులు అం టున్నారు. ఒకవేళ ఓడిపోతే సీఎం కుర్చీకే ప్రమా దమని.. అందుకే ఎన్నికలను ప్రతిష్టాత్మకంగా తీసుకొని రాష్ట్రంలో ఎక్కడా ఇవ్వని విధంగా పా లమూరు పార్లమెంట్కి ఎక్కువ టైం కేటాయించడం ఇందుకు నిదర్శనం అని అంటున్నారు.
మహబూబ్నగర్, ఏప్రిల్ 21 (నమస్తే తెలంగాణ ప్రతినిధి) : ఉమ్మడి పాలమూరు జిల్లాలో కేసీఆర్ అడుగు పెట్టబోతున్నారు. లోక్సభ ఎన్నికల ప్రచారంలో భా గంగా ఆయన రోడ్ షోలో పాల్గొంటున్నారు. ఈనెల 26న మహబూబ్నగర్, 27న నాగర్కర్నూల్ పార్లమెంట్లో రోడ్ షో నిర్వహించేందుకు షెడ్యూల్ ఖరారైంది. ఈ మేరకు మాజీ మంత్రులు శ్రీనివాస్గౌడ్.. నిరంజన్రెడ్డి ఆధ్వర్యంలో పార్టీ నేతలు పెద్దఎత్తున ఏర్పాట్లు చే స్తున్నారు. కేసీఆర్ పర్యటన ఖరారు కావడంతో మహబూబ్నగర్ పార్లమెంట్లో పొలిటికల్ హిట్ పెరిగింది. మరోవైపు సీఎం రేవంత్రెడ్డి మహబూబ్నగర్ పార్లమెంట్లో ఎలాగైనా గెలవాలని ఇప్పటికే నాలుగుసార్లు వచ్చి వెళ్లారు. త్వరలో మరోసారి ఎన్నికల ప్రచారంలో పాల్గొననున్నారు. బీజేపీ కూడా మహబూబ్నగర్లో అమిత్ షాతో భారీ బహిరంగ సభ ఏర్పాటు చేసేందుకు సన్నాహాలు చేస్తోంది. ప్రముఖుల రాకతో మహబూబ్నగర్ పార్లమెంట్లో ఒక్కసారిగా రాజకీయాలు వేడెక్కనున్నాయి. అన్ని పార్టీలు లోక్సభ ఎన్నికలను టార్గెట్ చేసి గెలుపే ధ్యేయంగా ప్రచారం చేస్తున్నాయి. ఉమ్మడి మహబూబ్నగర్ జిల్లాలో రెండు పార్లమెంట్ నియోజకవర్గాల్లో గెలుపు మూడు పార్టీలకు ప్రతిష్టాత్మకంగా మారింది. పోలింగ్కు ఇంకా 22 రోజుల సమయం మాత్రమే ఉండడంతో అన్ని పార్టీలు ప్రచారంలో స్పీడ్ పెంచాయి. కాగా, బీఆర్ఎస్ అభ్యర్థి మన్నె శ్రీనివాస్రెడ్డి ఈనెల 25న భారీ ర్యాలీతో నామినేషన్ వేసేందుకు సన్నాహాలు చేస్తున్నారు.
పార్లమెంట్ ఎన్నికల సమరం ఉమ్మడి పాలమూరు జిల్లాలో తీవ్ర ఉత్కంఠను రేపుతున్నది. ఎన్నికల ప్రచారంలో భాగంగా గులాబీ బాస్ కేసీఆర్ ఈనెల 26, 27 న ఉమ్మడి పాలమూరు జిల్లాలో రోడ్షోలో పాల్గొంటున్నారు. పార్టీ అభ్యర్థుల తరఫున ప్రచారం నిర్వహించనున్నారు. ఈనెల 26న మహబూబ్నగర్లో అభ్యర్థి మన్నె శ్రీనివాస్రెడ్డికి మద్దతుగా కేసీఆర్ రోడ్ షోలో పాల్గొంటున్నారు. ఈ మేరకు మాజీ మంత్రి శ్రీనివాస్గౌడ్, పార్టీ జిల్లా అధ్యక్షుడు లక్ష్మారెడ్డి మాజీ ఎమ్మెల్యేలు చిట్టెం రామ్మోహన్రెడ్డి, రాజేందర్రెడ్డి, ఆల వెంకటేశ్వర్రెడ్డి, అంజయ్య యాదవ్, పట్నం నరేందర్రెడ్డిలు భారీ ఎత్తున రోడ్ షోకు జన సమీకరణ చేస్తున్నారు. మహబూబ్నగర్ రోడ్ షో లో బీఆర్ఎస్ సత్తా చాటేందుకు ప్రయత్నిస్తున్నది. కేసీఆర్ 26న రాత్రి మహబూబ్నగర్లోనే బస చేసి పార్లమెంట్ ఎన్నికల్లో అనుసరించాల్సిన వ్యూహంపై పార్టీ ముఖ్య నేతలతో సమీక్ష చేపట్టనున్నారు. ఎలాగైనా కాంగ్రెస్ను ఓడించి సీఎం రేవంత్ రెడ్డికి షాక్ ఇచ్చేందుకు బీఆర్ఎస్ పావులు కదుపుతోంది. మరుసటి రోజు సాయంత్రం నాగర్కర్నూల్లో జరిగే రోడ్ షోలో కేసీఆర్ పాల్గొననున్నారు. పార్టీ అభ్యర్థి ఆర్ఎస్ ప్రవీణ్కుమార్కు మద్దతుగా ప్రచారం చేపడుతారు. ఈ మేరకు మాజీ మంత్రి నిరంజన్ రెడ్డి, గద్వాల ఎమ్మెల్యే బండ్ల కృష్ణమోహన్రెడ్డి, ఎమ్మెల్యే వి జయుడు, మాజీ ఎమ్మెల్యేలు మర్రి జనార్దన్రెడ్డి, గువ్వల బాలరాజు, బీరం హర్షవర్ద్ధన్రెడ్డి, జైపాల్ యాద వ్ రోడ్షోను విజయవంతం చేసేందుకు కసరత్తు చేస్తున్నారు. మరోవైపు రెండు పార్లమెంట్ స్థానాల్లో గెలుపే ధ్యేయంగా పార్టీ ప్రతి నియోజకవర్గానికి ఒక ఇన్చార్జిని నియమించింది. నియోజకవర్గాల్లో పార్టీ ప్రచారాలు విస్తృతంగా జరిగేలా ఇన్చార్జీలు ఎప్పటికప్పుడు పర్యవేక్షించి మండల స్థాయినేతలకు దిశా నిర్ధేశం చేస్తారు.
మహబూబ్నగర్ పార్లమెంట్లో ఒంటరిగా పోటీ చేస్తున్న బీజేపీకి కలిసి రావడం లేదు. గతంలో ఒకసారి తెలుగుదేశం పార్టీ పొత్తుతో బీజేపీ పాలమూరు పార్లమెంట్లో పాగావేసింది. ఆ తర్వాత జరిగిన ఎన్నికల్లో వరుస ఓటముల పాలవుతున్నది. దీంతో కేంద్ర హోం మంత్రి అమిత్ షాతో లోక్సభ ఎన్నికల ప్రచారం నిర్వహించేందుకు పార్టీ నేతలు ప్రయత్నాలు చేస్తున్నారు. ఇటు కేసీఆర్ అటు సీఎం రేవంత్రెడ్డి.. మరోవైపు ప్రధా ని మోదీ కూడా మహబూబ్నగర్కు ఎన్నికల ప్రచారానికి వస్తుడడంతో పాలమూరు పార్లమెంట్లో రాజకీయ వేడి రగులుతున్నది.