వనపర్తి, జూన్ 23 : అధికారంలో ఉన్నా.. లే కున్నా.. ప్రజలకు ఎల్లవేళలా అందుబాటులో ఉం టానని, ఆపదొస్తే అండగా నిలుస్తానని మాజీ మంత్రి సింగిరెడ్డి నిరంజన్రెడ్డి హామీ ఇచ్చారు. బీఆర్ఎస్ ప్రభుత్వ హయాంలో డబుల్ బెడ్రూం ఇండ్లు పొందిన లబ్ధిదారుల ఆహ్వానం మేరకు నిరంజన్రె డ్డి ఆదివారం వారి ఇండ్లకు వెళ్లారు. ఈ సందర్భం గా వారి యోగక్షేమాలను అడిగి తెలుసుకున్నారు. కేసీఆర్ ప్రభుత్వ హయాంలో తమ ఆర్థిక పరిస్థితులను గుర్తించి తమకు డబుల్ బెడ్రూం ఇండ్లు ఇచ్చి న నిరంజన్రెడ్డికి లబ్ధిదారులు ఈ సందర్భంగా కృతజ్ఞతలు తెలిపారు. ఈ సందర్భంగా నిరంజన్రెడ్డి మాట్లాడుతూ తాను నియోజకవర్గంలో ఏ అభివృ ద్ధి చేసినా.. బడుగు, బలహీన వర్గాలకు మొదటి ప్రాధాన్యం ఇచ్చానన్నారు. అనంతరం బీఆర్ఎస్ నాయకుడు ఫాజల్ కుమార్తె జన్మదిన వేడుకల్లో పా ల్గొని చిన్నారిని ఆశీర్వదించారు. కార్యక్రమంలో బీ ఆర్ఎస్ జిల్లా అధ్యక్షుడు గట్టుయాదవ్, జిల్లా అధికార ప్రతినిధి శ్రీధర్, పట్టణ అధ్యక్షుడు రమేశ్గౌడ్, అశోక్, రాము, శ్రీను తదితరులు పాల్గొన్నారు.
గుండెపోటుకు చికిత్స పొంది విశ్రాంతి తీసుకుంటున్న పట్టణానికి చెందిన ప్రముఖ వైద్యులైన ప్రజావైద్యాశాల నిర్వాహకుడు మురళీధర్, రమేశ్బాబును మాజీ మంత్రి పరామర్శించారు. కొన్నేండ్లు గా ప్రజలకు వైద్య సేవలందిస్తున్నారని, రానున్న కా లంలో మరింత ఆరోగ్యంగా ఉంటూ వైద్య సేవలు అందించాలని ఆకాంక్షించారు.