గద్వాల, జూలై 9 : ఎవరెన్ని కుట్రలు చేసినా బీఆర్ఎస్కు ప్రజలే బలమని.. రానున్న రోజుల్లో గులాబీ జెండా సత్తా చాటుతామని బీఆర్ఎస్ గద్వాల జిల్లా సమన్వయకర్త ఆంజనేయగౌడ్ అన్నారు. కాంగ్రెస్ అ ధికారంలోకి వస్తే పార్టీ ఫిరాయింపులు ఉండవని చె ప్పిన రేవంత్రెడ్డి ప్రస్తుతం సిగ్గులేకుండా నాయకులు, ఎమ్మెల్యేల ఇంటికి వెళ్లడం వారిని లాక్కోవడం నీతిమాలిన చర్యగా ఆయన అభివర్ణించారు. మంగళవా రం జిల్లా కేంద్రంలో ఏర్పాటు చేసిన విలేకరుల సమావేశంలో ఆయన మాట్లాడారు. కాంగ్రెస్ బీఆర్ఎస్ను ప్రజలకు దూరం చేయాలని చూస్తున్నదని, ఎవరెన్ని కుట్రలు చేసినా ప్రజల గుండెల్లో కారు, కేసీఆర్ సారు పదిలంగా ఉంటారన్నారు. రేవంత్రెడ్డి సర్కారు ప్రజాస్వామాన్ని ఖూనీ చేస్తున్నదని మండిపడ్డారు. స్థానిక సంస్థల ఎన్నికల్లో జిల్లాలో అన్ని జెడ్పీటీసీ స్థానాలతోపాటు జెడ్పీ చైర్మన్ పదవిని కైవసం చేసుకుంటామని ధీమా వ్యక్తం చేశారు. 15వ తేదీన గద్వాలలో ప్రజా ఆత్మగౌరవ సభను ఏర్పాటు చేస్తున్నామని, బీఆర్ఎస్ వర్కింగ్ ప్రెసిడెంట్ కేటీఆర్, మాజీ మంత్రి, ఎమ్మెల్యే హరీశ్రావు హాజరవుతారని చెప్పారు. ప్రజా ఆత్మగౌరవ సభలో కాంగ్రెస్ ఎన్నికల్లో ఇచ్చిన హామీలను ఎలా మోసం చేస్తున్నదో ప్రజలకు వివరిస్తామన్నారు.
దళితబంధు, రైతుబంధు, కౌలురైతుల కోసం అందరితో సభలు ఏర్పాటు చేస్తామన్నారు. పదేండ్ల బీఆర్ఎస్ పాలనలో నడిగడ్డ అన్నిరంగాల్లో అభివృద్ధి సాధించిందన్నారు. వలస వెళ్లిన వారు సైతం తిరిగొచ్చి సం తోషంగా బతుకుతున్నారని, ప్రస్తుతం కాంగ్రెస్ రాక తో మళ్లీ బాధలు మొదలయ్యాయని ఆరోపించారు. గతంలో కాంగ్రెస్ పాలనలో ర్యాలంపాడ్ రిజర్వాయ ర్ నిర్లక్ష్యానికి గురైందని, రాష్ట్ర ఏర్పాటు తర్వాత పూర్తిచేసి 2లక్షల ఎకరాలకు సాగునీరందించిన ఘనత కేసీఆర్ ప్రభుత్వానికి దక్కిందన్నారు. రాష్ట్రంలో కేసీఆర్ 450 సంక్షేమ పథకాలు అమలు చేశారని, నడిగడ్డ ప్ర జల్లో గులాబీ జెండా ఎప్పటికీ ఉంటుందన్నారు. పార్లమెంట్ ఎన్నికల సమయంలో బంగ్లా-బండ్లను ఓడించాలని పిలుపునిచ్చిన రేవంత్రెడ్డి ఇప్పుడు బండ్లను భుజాలపై ఎత్తుకొని మోస్తున్నాడని ఆరోపించారు. ఎవరు పార్టీని వీడినా ఒరిగేదేమీ లేదని, కలిసికట్టుగా పనిచేసి స్థానిక సంస్థల్లో బీఆర్ఎస్ సత్తాచాటుతామని చెప్పారు. బీఆర్ఎస్ రాష్ట్ర నాయకుడు వెంకట్రాములు మాట్లాడుతూ ఎమ్మెల్యే కృష్ణమోహన్రెడ్డి తన స్వలా భం కోసం పార్టీ మారాడే తప్పా ప్రజల సంక్షేమం కో సం కాదన్నారు. త్వరలోనే ప్రజలు తగిన బుద్ధి చెబుతారన్నారు. సమావేశంలో గట్టు మాజీ సర్పంచ్ హన్మంతునాయుడు, నాయకులు బాసు హన్మంతు, మోనేష్, అతికూర్ రహెమాన్, మల్లికార్జున్, మందమల్లి, రామకృష్ణ తదితరులు పాల్గొన్నారు.